+7 (701) 759 90 19
USD 447.67 EUR 491.36
RUB 5.74 CNY 63.07
Jańalyqtar

Qazaqstan Baıqońyrdaǵy qaldyqtardy joıý úshin Reseıge 20 mlrd teńge tólemeıdi – mınıstrlik

2020 jylǵy 22 aqpan 01:33
Bólisińiz:
Qazaqstan Baıqońyrdaǵy qaldyqtardy joıý úshin Reseıge 20 mlrd teńge tólemeıdi – mınıstrlik

NUR-SULTAN. QazAqparat – QR Tsıfrlyq damý, ınnovatsııalar jáne aeroǵarysh ónerkásibi mınıstrligi Qazaqstan Baıqońyrdaǵy radıoaktıvti qaldyqtardy joıý úshin Reseıge 20 mlrd teńge tóleıtini týraly aqparatty teriske shyǵardy, dep habarlaıdy QazAqparat.

Uqsas jańalyqtar
«Báıterek» keshenin iske qosý «Baıqońyrdyń» jumysyn belsendi etedi - mınıstr «Báıterek» ǵarysh keshenin qurý: Senatta Reseımen kelisimniń sharttary qaraldy Baıqońyrdan «Elektro-L» meterologııalyq jer serigi ushyryldy

«Jelide Baıqońyr ǵarysh aılaǵynyń aýmaǵyndaǵy ýly jáne radıoaktıvti qaldyqtardy joıý úshin Qazaqstan Reseıge 20 mlrd teńge tóleıtini týraly aqparat taraýda. Atalǵan faktiler shyndyqqa janaspaıdy. Qazaqstan Baıqońyr ǵarysh aılaǵyndaǵy qaldyqtardy joıýǵa 20 mlrd teńge bólýdi josparlaǵan joq jáne ony tólemeıdi. Bul másele boıynsha qandaı da bir tólemder týraly Qazaqstan men Reseı arasynda eshbir sheshimder men kelisim jasalǵan emes jáne talqylanyp jatqan joq», - delingen mınıstrliktiń Facebook-tegi paraqshasynda.

Vedomstvo málim etkendeı, taratylyp jatqan aqparatta kórsetilgen karerlerde Baıqońyr aýmaǵyndaǵy tozyǵy jetken ǵımarattardy súrgennen keıin qalatyn qurylys qaldyqtary (kirpish synyqtary, qaıta óńdeýden keıingi beton) ǵana ornalastyrylatyn bolady.

«Bul karerlerdi jasaqtaý jumystaryn tolyǵymen reseılik tarap júrgizdi. Aldyn ala derekter boıynsha, oǵan jalpy somasy 20 mln rýbl jumsalǵan. Jobalar Qyzylorda oblysy boıynsha Ekologııa departamentiniń oń qorytyndysyn aldy. Tozyǵy jetken ǵımarattardy buzý jáne polıgonǵa qurylys qaldyqtaryn jetkizý jumystaryn qazaqstandyq «Infrakos» kompanııasy júrgizýde. Barlyq ǵımarattar men qurylys qaldyqtaryn radıatsııalyq qaýipsizdikke tekserýdi qazaqstandyq jáne reseılik mamandandyrylǵan kompanııalar 3 ret júrgizedi: súrýge deıin, aıaqtalǵannan keıin, sondaı-aq polıgonda. Atalǵan karerlerde ýly jáne radıoaktıvti qaldyqtardy, sonymen qatar metall synyqtaryn ornalastyrý qarastyrylmaǵan jáne ol Qazaqstan Respýblıkasynyń zańdaryna qaıshy keledi», - dedi mınıstrlikten.

Atap ótilgendeı, Qyzylorda oblysy boıynsha Ekologııa departamentiniń mamandary Baıqońyr ǵarysh aılaǵyndaǵy barlyq nysandarǵa kez kelgen ýaqytta bara alady jáne reseılik, qazaqstandyq kompanııalarǵa josparly tekseris júrgizip turady.

«Belsendi azamattyq ustanymdaryńyz úshin alǵys bildiremiz. Biraq aldaǵy ýaqytta tekserilgen jáne shynaıy aqparattarǵa ǵana súıenýdi suraımyz», - dedi QR Tsıfrlyq damý, ınnovatsııalar jáne aeroǵarysh ónerkásibi mınıstrliginen.


Bizdiń kanalymyzǵa jazylyńyz:

Bólisińiz:

Avtor:

Mıra Tólendiqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT