«Qazaqstan barysy» fınalyna eki balýan shyqty
2022 jylǵy 3 shilde 18:31

«Qazaqstan barysy» fınalyna eki balýan shyqty

NUR-SULTAN. QazAqparat - Búgin elordada ótip jatqan respýblıkalyq «Qazaqstan barysy» týrnırinde fınalǵa shyqqan alǵashqy balýandar anyqtaldy, dep habarlaıdy QazAqparat tilshisi.

Mundaı múmkindikke qyzylordalyq Maqsat Isaǵabylov ıe boldy. Ol jartylaı fınalda jambyldyq Ǵalymjan Qyryqbaevtana ılasyn asyryp ketti.

Maqsat Isaǵabylov 1994 jyldyń 17 qarashasynda dúnıege kelgen. Boıy 184 santımetr bolsa, salmaǵy 120 keli.

Buǵan deıin qazaq kúresinen halyqaralyq dárejedegi sport sheberi atanǵan.

Sonymen qatar, jartylaı fınaldaǵy ekinshi beldesýde shymkenttik Nursát Temirhan men mańǵystaýlyq Nurdáýlet Jarylǵapov taıtalasqa tústi.

Kezdesý barysynda Nursát Temirhannyń jaraqat alyp qalýyna baılanysty jarys jolynan shyǵyp qaldy. Osylaısha tóreshiler sheshimimen Nurdáýlet Jarylǵapov fınalǵa joldama aldy.

Nurdáýlet Jarylǵapov 1996 jyldyń 2 naýryzynda dúnıege kelgen. Boıy 182 santımetr, salmaǵy 148 keli.

Ol qazaq kúresinen halyqaralyq dárejedegi sport sheberi atanǵan.

Eske salsaq, týrnır jeńimpazyna 25 mıllıon teńge aqshalaı syılyq, altyn belbeý jáne altynnan quıylǵan «taıtuıaq» beriledi. Al ekinshi oryn ıegeri 5,5 mıllıon teńge men kúmis belbeý, qola júldeger 1,8 mıllıon teńge men qola belbeýge qol jetkizedi.


Seriktester jańalyqtary

Jańalyqtar

Úrdis

MURAǴAT