Qazaqstan álemde ınternet eń arzan elderdiń TOP 10  qataryna kiredi
2022 jylǵy 20 maýsym 10:22

Qazaqstan álemde ınternet eń arzan elderdiń TOP 10 qataryna kiredi

NUR-SULTAN. QazAqparat - Qazaqstan ınternetke kóshý men tsıfrlandyrýdyń joǵary qarqynymen erekshelenedi, dep habarlaıdy QazAqparat ranking.kz saıtyna silteme jasap.

Osylaısha, 6 jáne odan joǵary jastaǵy qazaqstandyqtardyń tsıfrlyq saýattylyq deńgeıi 2021 jyly jalpy halyqtyń 85,3%-yn qurady. Bul elimizdegi árbir bes tutynýshynyń tórteýi derbes kompıýter, smartfon, planshet, noýtbýkty paıdalanýǵa daǵdylanǵanyn, sondaı-aq standartty baǵdarlamalardy paıdalanyp jáne Internet arqyly qyzmet ala alatynyn tanytyp otyr. Bul rette úı sharýashylyqtaryn uıaly telefondarmen qamtamasyz etý qazirdiń ózinde 99,4%-dy qurap otyr. Bul rette respýblıkada mobıldi ınternet quny álemdegi eń tómen kórsetkishke ıe. Osylaısha, 2022 jylǵa arnalǵan Internetke qoljetimdilik ındeksiniń sońǵy reıtıngine sáıkes Qazaqstan ınternettiń eń tómen tarıfteri boıynsha 8-orynǵa ıe boldy. Qazaqstandyqtar 1 GB mobıldi ınternet úshin nebári $0,8 tóleıdi.

Onyń ústine Qazaqstanda tarıfter quny tómendep barady: bir jyl buryn bul kórsetkish 0,9 AQSh dollaryn quraǵan.

Salystyrmaly túrde, kórshiles Ózbekstanda aıyna 1 GB úshin 1,3 AQSh dollary, Tájikstanda – 3,5 AQSh dollar tólense, ınternet tarıfi 17,5 dollarǵa jetken Túrikmenstan Afrıka elderi jáne aral memleketterimen birge aýtsaıderler qataryna kirdi. Mobıldi ınterneti qoljetimdi elder ondyǵyna Qazaqstannan basqa Reseı, Qyrǵyzstan jáne Belarýs kirdi.

Sarapshylardyń paıymynsha Qazaqstandaǵy mobıldi ınternetpen qamtýdyń joǵary deńgeıi – 96% quraıdy.


Uqsas jańalyqtar

Jańalyqtar

Úrdis

MURAǴAT