Qazaqstan AES salýda Ońtústik Koreıa tájirıbesin qarastyryp jatyr
2022 jylǵy 28 maýsym 15:51

Qazaqstan AES salýda Ońtústik Koreıa tájirıbesin qarastyryp jatyr

SEÝL. QazAqparat - Qazaqstan men Ońtústik Koreıa atom energııasyn damytý salasyndaǵy strategııalyq seriktestikti nyǵaıtyp jatyr, dep habarlaıdy QazAqparat.

28 maýsymda Ońtústik Koreıanyń Seýl qalasynda Energetıka vıtse-mınıstri Jandos Nurmaǵanbetov bastaǵan qazaqstandyq delegatsııa men Ońtústik Koreıanyń Saýda, ónerkásip jáne energetıka mınıstrliginiń ókilderi, sondaı-aq ıadrolyq tehnologııalardy jetkizýshi – Korea Hydro & Nuclear Power (KHNP) kompanııasy arasynda kezdesý ótti.

Kezdesý barysynda «Qazaqstandyq atom elektr stantsııalary» JShS men KHNP arasynda atom energetıkasyn damytý salasyndaǵy ózara túsinistik týraly memorandýmǵa qol qoıyldy.

Osy memorandým Qazaqstan men Ońtústik Koreıa arasyndaǵy atom energııasyn damytý salasyndaǵy strategııalyq áriptestikti nyǵaıtýǵa yqpal etedi.

KHNP kompanııasy - Ońtústik Koreıanyń 24 AES-ine ıelik etetin jáne basqaratyn KEPCO enshiles uıymy.

AES qýaty boıynsha KHNP álemde 3-shi orynda jáne tehnıkalyq-ekonomıkalyq negizdeme ázirleýden bastap, AES salý jáne paıdalanýǵa berýge deıin stantsııa konstrýktsııalaryn túrlendirý men jetildirý boıynsha tehnıkalyq kómek kórsetedi.

Qazirgi ýaqytta KHNP Birikken Arab Ámirlikterinde APR-1400 reaktory bar Barak AES-niń 4 energııa blogyn salý boıynsha jobany iske asyryp jatyr.

Onyń ekeýi 2020-2021 jyldary paıdalanýǵa berildi.


Jańalyqtar

Úrdis

MURAǴAT