+7 (701) 759 90 19
USD 389.86 EUR 435.32
RUB 6.12 CNY 55.12
Jańalyqtar

Qazaqstan A deńgeıindegi kredıttik reıtıngke kirý úshin ne isteý kerek

2019 jylǵy 17 qyrkúıek 11:12
Bólisińiz:
Qazaqstan A deńgeıindegi kredıttik reıtıngke kirý úshin ne isteý kerek

NUR-SULTAN. QazAqparat – PISA jáne QS bilim berý kórsetkishteri boıynsha tıisti sharalar josparyn ázirleý qajet. Bul týraly búgin Úkimet otyrysynda «DoingBusiness» reıtınginde jáne basqa da reıtıngterde Qazaqstannyń pozıtsııalaryn jaqsartý jóninde baıandaǵan QR Ulttyq ekonomıka mınıstri Rýslan Dálenov aıtty, dep habarlaıdy QazAqparat tilshisi.

Uqsas jańalyqtar
Qazaqstandyqtar jyl basynan beri jarty trıllıon teńgege kólik satyp alǵan Brexit Qazaqstanǵa qalaı áser etedi 200 teńgelik moneta aınalymǵa shyǵady

«Egemen kredıttik reıtıngter ınvestorlar úshin barynsha mańyzdy faktor bolyp sanalady. Bul reıtıngterdi Standard&Poor’s, Moody’s jáne Fitch sııaqty agenttikter jasaıdy. Aǵymdaǵy jylǵy tamyz aıynda atalǵan reıtıngtik agenttikter óz reıtingilerin rastady. Bul rette Moody’s «turaqty» boljamyn «pozıtıvti» boljamyna jaqsartty», - dedi mınıstr.

Onyń aıtýynsha, búgingi tańda Qazaqstannyń egemen kredıttik reıtıngi baǵalaýdyń «ınvestıtsııalyq» sanatyna kiredi. Biraq táýekel deńgeıi «ortasha» dep sıpattalady. 2025 jylǵa qaraı elimizge táýekel deńgeıi tómen elderdiń sanatyna aýysý qajet. Bul - A deńgeıindegi kredıttik reıtıng. Bul topqa Chılı, Japonııa, Polsha sııaqty elder kiredi.

«Atalǵan reıtıngke qol jetkizý úshin elimizge ekonomıka qurylymyn ártaraptandyrý, bank sektoryn saýyqtyrý, bıýdjet tártibin kúsheıtý qajet. Nátıjesinde ınvestorlar úshin edáýir mańyzdy jeti jahandyq reıtıngtiń 132 quramdaýyshynan 25 túıindi quramdaýyshqa basa nazar aýdarý qajet dep esepteımiz. Bul quramdaýyshtar eldiń ınvestıtsııalyq ahýalyn qalyptastyrady. Árbir atalǵan 25 quramdaýyshqa tıisti memlekettik organdardy bekitýdi usynamyz»,- dedi ol.

R.Dálenovtiń atap ótýinshe, Qazaqstannyń reıtıngterdegi pozıtsııasyn jaqsartý boıynsha usynystar Tıisti sharalar josparlaryna engizilýi jáne olardyń oryndalýy únemi baqylanýy tıis.

«Osylaısha «Doing Buseness» pen Jahandyq básekege qabilettilik ındeksiniń reıtingisi boıynsha qoldanystaǵy sharalar josparyn jańartý qajet. LPI reıtıngi, egemen kredıttik reıtıngi, sondaı-aq PISA jáne QS bilim berý kórsetkishteri boıynsha tıisti sharalar josparyn ázirleý qajet. Bekitilgen is-sharalar josparyn oryndaý monıtorıngin Úkimettiń jobalyq ofısiniń jumysy sheńberinde júzege asyrý usynylady», - dedi mınıstr.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT