Qazaqstan 42 myń tonna benzın eksporttady

NUR-SULTAN. QazAqparat - Qazaqstannyń ishki naryǵynda janar-jaǵarmaı tapshylyǵy baıqalmaıdy. Bul týraly búgin Úkimet otyrysynda elimizdiń 10 aıdaǵy áleýmettik-ekonomıkalyq damý qorytyndysy jaıynda baıandaǵan QR Energetıka birinshi vıtse-mınıstri Mahambet Dosmuhambetov aıtty, dep habarlaıdy QazAqparat tilshisi.

Uqsas jańalyqtar

Qazaqstanda elektr energııasy ne sebepti qymbattaıdy – sarapshy pikiri

SQO-da Beskól aýylynyń 80 úıi ortalyq jylý júıesine qosylady

«Jyl basynan beri 10 aı ishinde munaı óńdeý kólemi 14,17 mln tonnany qurady. Bul 2018 jyldyń uqsas kezeńimen salystyrǵanda 5 paıyz ósim kórsetip otyr. Biraq 10 aıdyń josparynan 1,2 paıyz tómen. Bul rette, osy jyldyń 17 mln tonna kóleminde josparyn 17,1 mln tonnaǵa deıin kóterip otyrmyz. Sonymen, kórsetkish oryndalatyn bolady», - dedi ol.

Onyń atap ótýinshe, negizgi munaı ónimderi – benzın, dızel otynyn, áýe otynyn jáne mazýtty óndirý kólem 10,5 mln tonnany kurady. 2018 jyldyń uqsas kezeńimen salystyrǵanda ósim 10,2 paıyzdan asady.

«Avtobenzın óndirý kólemi 3,6 mln tonnany qurady nemese 2018 jyldyń uqsas kezeńine 12,5 paıyzǵa ósýde. Avtobenzın óndirý kólemi elimizdiń ishki tutynýyn tolyq qamtamasyz etedi. Osy jyly shilde aıynan bastap avtobenzın eksporty bastaldy, eksport kólemi 42,6 myń tonnany qurady. Jalpy, munaı ónimderi naryǵynda jaǵdaı turaqty. Janar-jaǵarmaı tapshylyǵy baıqalmaıdy», - dedi birinshi vıtse-mınıstr.

Onyń dereginshe, bıylǵy jylǵy 11 qarashadaǵy jaǵdaı boıynsha Qazaqstanda Aı-92 markaly benzınniń bólshek saýda baǵasy 148,5 teńgeni quraıdy.

«Áýe otynyn óndirý kólemi 524,5 myń tonnany nemese 2018 jyldyń uqsas kezeńimen salystyrǵanda 182 paıyzdy qurap otyr. Dızel otyny 4,1 mln tonna óndirildi nemese 2018 jyldyń uqsas kezeńimen salystyrǵanda 108,1 paıyzǵa artyq. Bıylǵy jylǵy 11 qarashadaǵy jaǵdaı boıynsha Qazaqstanda jazǵy dızel otynynyń bólshek saýda baǵasy 193 teńgeni quraıdy. 11 qarashadaǵy jaǵdaı boıynsha ishki naryqtaǵy janar-jaǵarmaı qaldyqtarynyń qory týraly atap ótsem: Aı-92 benzıni – 185,2 myń tonna, dızel otyny – 133,1 myń tonna», - dedi M.Dosmuhambetov.