+7 (701) 759 90 19
USD 420.76 EUR 498.6
RUB 5.6 CNY 62.27
Jańalyqtar

QazAqparat oqıǵalardan aqparat taratatyn mańyzdy alańǵa aınalǵan - UNA bóliminiń basshysy Hazem Abdo

2020 jylǵy 14 tamyz 11:00
Bólisińiz:
QazAqparat oqıǵalardan aqparat taratatyn mańyzdy alańǵa aınalǵan  - UNA bóliminiń basshysy Hazem Abdo

NUR-SULTAN. QazAqparat - UNA halyqaralyq baılanys bóliminiń basshysy Hazem Abdo «QazAqparat» agenttigin 100 jyldyq mereıtoıyna oraıy «QazAqparat» HAA» AQ Basqarma tóraǵasy Asqar Ýmarovqa quttyqtaý hat joldady.

«Qurmetti hanymdar men myrzalar! Bedeldi «QazAqparat» aqparat agenttiginiń qurylýyna 100 jyl jáne alǵash ret 1920 jyly jaryq kórgen erekshe kúnge oraı, agenttikte jumys isteıtin dostarym men áriptesterimdi, «QazAqparat» HAA» AQ Basqarma tóraǵasy Asqar Ýmarov myrzany shyn júrekten quttyqtaımyn.

«QazAqparat» aqparat agenttigi – rasynda óziniń uzaqmerzimdi jáne qıyndyqqa toly kezeńinde Qazaqstanda ǵana emes, búkil Ortalyq Azııa óńirindegi BAQ materıaldarynyń derekkózine aınalyp, oqıǵalardan aqparat taratatyn mańyzdy alańǵa aınalǵan agenttikterdiń biri. Agenttik jańalyqtardy kóptegen tilde, atap aıtqanda qazaq, orys, aǵylshyn jáne qytaı tilderinde taratady. Onda geografııasy keń oqıǵalardy, tolyqqandy órkenıet pen mádenı erekshelikti, kóptegen halyq pen eldi qamtyp, álemdik, arab elderi men ıslam dúnıesiniń jańalyqtaryna da erekshe nazar aýdarady», delingen Hazem Abdonyń quttyqtaýynda.

Onyń aıtýynsha, «QazAqparat» málimettiń senimdi derekkózine aınalǵan.

«QazAqparat» bizde de, Islam yntymaqtastyq uıymy aqparat agenttigi odaǵynda da, sondaı-aq kóptegen aımaqtyq jáne halyqaralyq agenttiktiń buqaralyq aqparat quraldaryndaǵy jańalyqtar men málimettiń senimdi derekkózine aınaldy. Onda kásibıliktiń joǵary standartyna berilgen, aqparatty taratar aldynda ony tekserý men baqylaýda naqtylyq pen obektıvtilikti bekem ustaıtyn tilshilerdiń keń qosyny men talantty jumys toby qalyptasqan», - dedi Hazem Abdo.


Ol 2018 jyly «QazAqparat» keńsesine barǵanyn eske aldy.

«2018 jyly agenttiktiń bas keńsesine baryp, A.Ýmarov myrza jáne onyń jumys tobymen jolyǵýdyń sáti tústi. Kezdesýde naqty ári kásibı jumys júıesimen, tehnologııany damytý jónindegi keleshektegi josparymen, agenttik qyzmetkerlerin toqtaýsyz úıretýmen tanystyrdy.

Sondyqtan Islam yntymaqtastyq uıymy elderindegi BAQ salasyndaǵy qundy jádiger sanalatyn zamanaýı agenttik qurý barysyndaǵy 100 jyldyq mereıtoılaý qýanyshymen bólisý men úshin súısinerlik oqıǵa. Barshańyzǵa keleshekte tabys, jetistik jáne damý tileımin!», - dedi Hazem Abdo.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT