«QazAqparat» HAA ujymy Táýelsizdik kúninde kópbalaly otbasylarǵa syı jasady
2016 jylǵy 16 jeltoqsan 13:38

«QazAqparat» HAA ujymy Táýelsizdik kúninde kópbalaly otbasylarǵa syı jasady

ASTANA. QazAqparat - «QazAqparat» halyqaralyq aqparat agenttiginiń ujymy Táýelsizdik merekesine oraı Astana qalasynda turatyn birneshe kóp balaly otbasyǵa syılyq jasady, dep habarlaıdy agenttik tilshisi.

Esterińizde bolsa, jýyrda Astanada «Meıirimdi qala» aktsııasy bastalǵan bolatyn. Aktsııany qoldaǵan agenttik qalada kómekke muqtaj birneshe otbasyna Táýelsizdik kúni syı jasady.

«QazAqparat» kómektesken otbasylardyń biri - analary qaıtys bolǵan, al ákesi naýqas kúıinde 4 balany jalǵyz tárbıelep otyrǵan januıa. Analary kóz jumǵan soń Shahdat tórt balasyn dalaǵa qaldyrmaı, ózi asyraǵan. Biraq, qarasha aıynyń sońynda operatsııa jasatqan Shahdat qazir ýaqytsha jumyssyz otyr eken. Balalarynyń jasy 2, 4, 6, 8-de. Ujym azyq-túlik pen ózge de kerek zattardy aparǵan ekinshi otbasy - jalǵyzbasty Kenjegúl esimdi áıel. Kenjegúldiń 6, 8, 10, 12, 16 jastaǵy bes balasy bar. Kenjegúldiń jubaıy 6 jyl buryn qaıtys bolǵan eken.

Táýelsizdik kúninde qýanyshqa bólengen úshinshi otbasy - Janna men onyń alty balasy. Jannanyń eń kishi balasy nebary 3 aılyq, al, eń úlkeniniń jasy 13-te ǵana.

«QazAqparat» ujymy qyzmetkerlerden jınalǵan qarajatqa molynan azyq-túlik, búldirshinderge oıynshyq, tazalyq zattary men sábılerdiń jórgekterin satyp alyp, tartý etti.

Avtor:
Tilshi

Jańalyqtar

MURAǴAT