+7 (701) 759 90 19
USD 376.51 EUR 418.91
RUB 6.13 CNY 54.90
Jańalyqtar

«QazAqparat» HAA tilshileri «Qazaqstan Táýelsizdigi jáne Elbasy» baıqaýynda júldeli boldy

2019 jylǵy 6 jeltoqsan 17:55
Bólisińiz:
«QazAqparat» HAA tilshileri «Qazaqstan Táýelsizdigi jáne Elbasy» baıqaýynda júldeli boldy

NUR-SULTAN. QazAqparat – Nazarbaev ortalyǵynda BAQ qyzmetkerleri arasyndaǵy «Qazaqstan Táýelsizdigi jáne Elbasy» shyǵarmashylyq baıqaýynyń jeńimpazdary marapattaldy, dep habarlaıdy QazAqparat.

Uqsas jańalyqtar
Darıǵa Nazarbaeva tilshilermen kezdesti Dáýren Abaev: Erjan Maksımdi qoldaýda bizge birlik jetpeı qaldy Elimizde sheteldegi qazaq tildi BAQ-tardyń qaýymdastyǵyn qurý usynyldy

QR Tuńǵysh Prezıdenti – Elbasy kitaphanasy men qory uıymdastyrǵan bul baıqaý táýelsizdik jyldarynda elimiz qol jetkizgen jetistikteri jáne Elbasy ıdeıalary men men bastamalaryn keńinen taratýǵa negizdelgen.

Baıqaýdyń bılyǵy ereksheligi – «Sheteldik BAQ-taǵy úzdik jarııalanym» atalymynyń qosylýy. Oǵan Ázerbaıjan, Germanııa, Reseı, Túrkııa jáne Japonııa elderinen materıaldar kelip túsken.

«Bizdiń baıqaýǵa qatysqan Qazaqstannyń jýrnalısteri men sheteldik BAQ ókilderine uıymdastyrýshy retinde sheksiz alǵys bildiremiz. Eń qyzyq ári shyǵarmashylyq mamandyqtardyń birinde jańa esimder ashylýda. Bul baıqaý Elbasynyń jasampaz ıdeıalary men bastamalaryn tek Qazaqstanda ǵana dáriptep qoımaı, búkil álemde keńinen nasıhattaýǵa múmkindik beredi», - dedi QR QR Tuńǵysh Prezıdenti – Elbasy kitaphanasynyń dırektory, konkýrs komıssııasynyń teń tóraǵasy Ámirhan Rahymjanov.

Baıqaý jeńimpazdary arasynda «QazAqparat» halyqaralyq aqparat agenttiginiń tilshisi Rýslan Ǵabbasov bar. Ol «Ǵalamtor - BAQ-taǵy úzdik jarııalanym» atalymynda júldeli ІІ oryn aldy. І oryn «Istorııa Kazahstana» portalynyń jýrnalısi Arman Súleımenovke, ІІІ oryn QazAqparattyń shtattan tys sholýshysy Mahat Sadyqqa berildi.

«Gazetter men jýrnaldardaǵy úzdik maqala» atalymynda І oryndy – «Atyraý - Aqparat» JShS ókili Haırat Sataev, ІІ oryndy – «Prıkaspııskaıa kommýna» gazetiniń tilshisi Nadejda Týlına jáne ІІІ oryndy – Pavlodarlyq «Zvezda Irtysha» gazetiniń qyzmetkeri Álisher Shaıahmetov aldy.

«Úzdik radıomaterıal» atalymynda – «Shalqar» radıosynyń tilshisi Nurmat Mansur jeńimpaz atandy.

«Úzdik televızııalyq materıal» nomınatsııasy boıynsha І oryndy – Darhan Ábdiýahıt («Habar» telearnasy), ІІ oryndy – Sáýle Kómekbaeva jáne Aıan Omarqulov (QR Prezıdentiniń teleradıokesheni), Bekzat Esqalıev («Qazaqstan» RTRK), ІІІ oryndy – Bolatbek Baıanhan («Qazaqstan» RTRK) jáne Álimjan Isabaı («Qazaqstan» RTRK) jeńip aldy.

«Sheteldik BAQ-taǵy úzdik jarııalanym» nomınatsııasynda І oryndy Ázerbaıjannyń «Yenicag.Az-Novaıa Epoha» gazetiniń tilshisi Rýstam Gasymov, ІІ oryndy Qazaqstandaǵy Túrkııa teleradıokesheniniń tilshisi Gýzal Zaıtova jáne ІІІ oryndy – Japonııanyń «KINZAI Financial Plan» jýrnalynyń tilshisi Naokı Matsýmoto ıelendi.

Bizdiń kanalymyzǵa jazylyńyz:

Basty sózder: BAQ, Qoǵam,
Bólisińiz:

Avtor:

Aıjan Serikjanqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janat Qapalbaeva
Janat Qapalbaeva
954-059

MURAǴAT