+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

"Qazaqmys" kómek retinde Qaraǵandy oblysynyń úsh qalasynyń medıtsına salasyna 1 mlrd teńge bóldi

2020 jylǵy 11 shilde 15:14
Bólisińiz:

NUR-SULTAN. QazAqparat - Qazaqmys kómek retinde Jezqazǵan, Sátbaev, Balqash qalalarynyń medıtsına salasyna 1 mlrd teńge bóldi, dep habarlaıdy QazAqparat korporatsııanyń saıtyna silteme jasap.

Uqsas jańalyqtar
Májilis depýtattary Qurban aıt merekesine oraı qaıyrymdylyq aktsııasyn ótkizdi Elimizde biryńǵaı qaıyrymdylyq jasaý platformasy paıda bolady Kásipkerler Shardara men Túlkibastaǵy aýrýhanalarǵa ottegi kontsentratoryn alyp berdi


«Qazaqmys ózi ornalasqan qalalardyń halqy úshin COVID-19 dıagnostıkalaý jáne emdeý boıynsha medıtsınalyq qyzmetterdiń qoljetimdiligin arttyrady. Sońǵy eki aptada elimizde Jezqazǵan, Sátbaev jáne Balqash qalalarynyń turǵyndaryna da yqpal etken epıdemıologııalyq jaǵdaı oryn aldy. Koronovırýs ınfektsııa paıda bolǵan sátten bastap kompanııa kásiporyndarynda eskertý sharalary qabyldandy, alaıda aýrý jyldam halyqtyń barlyq toptaryna jappaı taraı bastady.

Qaraǵandy oblysynyń Densaýlyq saqtaý basqarmasy oblystyń densaýlyq saqtaý obektileriniń materıaldyq-tehnıkalyq bazasyn nyǵaıtýǵa baǵyttalǵan is-sharalar josparyn ázirlep, onyń ishinde shamamen 3 mıllıard teńge Jezqazǵan, Sátbaev jáne Balqash qalalaryna bólindi», delingen habarlamada.

Atalǵan is-sharalar josparynyń aıasynda Qazaqmys korporatsııasymen birlesip COVID-19-ǵa qarsy kúresýde yntymaqtastyq týraly memorandýmǵa qol qoıyldy.

Memorandýmda densaýlyq saqtaý obektilerin tolyq jabdyqtaý, atap aıtqanda, úsh qalanyń densaýlyq saqtaý obektileriniń emdeý qory úshin qosymsha medıtsınalyq jabdyqtar men dárilik preparattardy satyp alý, ambýlatorııalyq medıtsına qyzmetkerleriniń táýlik boıy qozǵalysyn qamtamasyz etý úshin kólikti uıymdastyrý jáne t. b. sharalardy oryndaý bóliginde jalpy somasy shamamen 1 mıllıard teńgege «Qazaqmystyń» qatysýy qarastyrylǵan.

Memorandým is-sharalaryn júzege asyrý aıasynda jaqyn arada Qaraǵandy oblysy úshin 1 200 dana ottegi kontsentratyn jetkizý kútilýde, onyń ishinde 200-den astamy Jezqazǵan, Sátbaev jáne Balqash aýrýhanalaryna bólinedi. Atalǵan qalalar úshin korporatsııa 10 ókpeni jasandy jeldetý apparatyn, 3 vıbroakýstıkalyq apparatty satyp alady, kúzge qaraı qalalardyń statsıonarlarynda 3 medıtsınalyq gazdar (ottegi) bólý júıesi ornatylatyn bolady. Sondaı-aq kompanııa 8 shildede ashylǵan Jezqazǵan ýnıversıtetiniń jataqhanasyndaǵy 250 tósek-orynǵa arnalǵan ınfektsııalyq gospıtaldi tehnıkalyq jaraqtandyrýǵa qarajat bóldi. Atalǵan jabdyqtarmen qosa úsh qalanyń árqaısysyna bir-birden 3 kompıýterlik tomograf (KT) jetkiziletin bolady.

Memorandým atalǵan is-sharalarmen shektelmegen. «Qazaqmys» KVI-men kúresýde qajettilikti anyqtaý jáne ony tolyqtyrý boıynsha densaýlyq organdarymen odan ári birlese jumys jasaýdy jáne halyqqa júrgizilip jatqan jumystar týraly aqparat berýdi josparlap otyr.

«Búgingi kúnde ózara qamqorlyq kórsete otyryp, birge bolýymyz mańyzdy. Sondyqtan da biz qatysý aımaqtaryndaǵy halyqqa medıtsınalyq qyzmetterdiń qoljetimdiligin qamtamasyz etý boıynsha yqtımal sharalardy qabyldaımyz. Biz medıtsına salasyndaǵy ózimizdiń qyzmetkerlerimizdiń kásibı biliktiligine senimdimiz jáne kúsh-jigerimizdi biriktirip, birlese otyryp, osy qıyn kezeńdi sózsiz jeńemiz», - dep kompanııa basshylyǵy atap ótti.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT