+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Qazaqkontserttiń 60 mereıtoılyq maýsymy aıaqtaldy

2021 jylǵy 2 shilde 13:17
Bólisińiz:
Qazaqkontserttiń 60 mereıtoılyq maýsymy aıaqtaldy

NUR-SULTAN. QazAqparat – QR Mádenıet jáne sport mınıstrligi Qazaqkontsert memlekettik uıymy 60 mereıtoılyq kontserttik maýsymyn támamdady, dep habarlaıdy QazAqparat.

Tutas maýsymdy qorytyndylaǵan gala-kontsertte Aıman Musahodjaeva, Azamat Jyltyrkózov, Medet Shotabaev, Erlan Rysqalı, Saltanat Ahmetova, Álfııa Kárimova, Aızada Qaponova syndy tanymal solıster óner kórsetti. Sondaı-aq ónersúıer qaýym Qazaq memlekettik sımfonııalyq orkestriniń oryndaýynda úzdik shedevrlerdi tyńdaı aldy. Onda Ýkraınadaǵy Dnepropetorvsk fılormonııasynyń kórkemdik jetekshisi Aıdar Torybaev dırıjerlik etti.

Kontserttik baǵdarlamaǵa «Qyz Jibek», «Eńlik-Kebek», «Karmen», «Sevılskıı tsırıýlnık», «Irodıada» jáne basqa da operalardyń arııalary engen. Sonymen birge kontsertte E. Hasanǵalıev, S. Erkimbekov, Dj. Rossını, I.Gaıdn jáne V.A.Motsart, L. Bernstaın, L.Hamıdı syndy belgili kompozıtorlarynyń týyndylary shyrqaldy.

«Bul maýsymda jurtshylyqqa usynǵan jańalyq az bolǵan joq.Alpystyń asýyn baǵyndyryp, ıgi dástúr men jańashyldyqty qatar ushtastyra bilgen Qazaqkontserttiń barlyq jobalary bıyl da halyqty rýhanı sýsyndatyp, barshaǵa qoljetimdi boldy. Mereıtoılyq jyl aıasynda ártisterimiz kórermenderdi onlaın jáne oflaın formattaǵy is-sharalarmen qýantty. Atap aıtqanda, 50-ge jýyq oflaın jáne 100-ge tarta onlaın formatta jańa jobalardy usyndy. Onyń ishinde qaıyrymdylyq sharalar, ashyq aspan astyndaǵy qoıylymdar men kontsertter bar. Bıyl Qazaqkontserttiń shyǵarmashylyq áleýeti jańa baǵytta damı túsip, uıymnyń áleýmettik mańyzy da arta tústi. Endi dál osy qarqynmen jańa kontserttik maýsymǵa daıyndyq júrgizemiz», - deıdi kontserttik uıymnyń basshysy Jeńis Seıdýllauly.

Aıta keteıik, kontsertte koronavırýs pandemııasyna baılanysty barlyq sanıtarlyq talaptar men erejeler saqtaldy.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059

MURAǴAT