+7 (701) 759 90 19
USD 384.63 EUR 427.98
RUB 6.08 CNY 54.68
Jańalyqtar

«Qazaqkontsert» ártisteri japon, ózbek áriptesterimen birge Tashkentte óner kórsetti

2019 jylǵy 25 qyrkúıek 14:19
Bólisińiz:
«Qazaqkontsert» ártisteri japon, ózbek áriptesterimen birge Tashkentte óner kórsetti

TAShKENT. QazAqparat – Ózbekstandaǵy Qazaqstan jyly aıasynda «Japon kúzi» festıvaline oraı Qazaqstan, Ózbekstan jáne Japonııanyń belgili ártisteri birlesip Tashkentte kontsert ótkizdi, dep habarlaıdy QazAqparat tilshisi «Degdar» gýmanıtarlyq qorynyń baspasóz qyzmetine silteme jasap.

Uqsas jańalyqtar
Reseıdegi Qazaqstan mádenıeti kúnderi kontsertpen aıaqtaldy Maqtaaralda ánshi Gaýhar Álimbekovanyń kontserti ótti

«Japon kúzi» halyqaralyq óner festıvali 2011 jyldan bastap ótkizilip keledi. Jobanyń qatysýshylary – kúnshyǵys eliniń dástúrli, klassıka, djaz mýzykalarynyń tanymal juldyzdary, Qazaqstan jáne Ózbekstan óner maıtalmandary. Festıval uıymdastyrýshylary – «Degdar» gýmanıtarlyq qory men JTI kompanııasy.

Festıval shymyldyǵyn ashqan alǵashqy kontsert anshlagpen ótti. Jańa kontserttik baǵdarlama ózbekstandyq ónersúıer qaýymnyń joǵary baǵasyn alyp, kontsertke barlyq bıletter tegin berilgendikten, joba ártúrli áleýmettik toptardy qamtydy.

Japondyq mýzykalyq ónerdi Keıko Inoýe, Sakıta Hadjıme, ıAmashıta Kenjı syndy belgili mýzykanttar usyndy. Olardyń úzdik týyndylary tek kúnshyǵys eline ǵana emes, barsha álemge tanymal. Japondyq kompozıtor, mýzykant Sakıta Hadjıme «mýzykalyq ara» dep atalatyn erekshe mýzykalyq aspapta oryndaý sheberligimen tamsandyrdy. Sırek kezdesetin ári erekshe tańǵajaıyp ún shyǵaratyn aspapta oınaıtyn mýzykanttar álemde kóp emes. Sakıta Hadjıme álemde alǵashqylardyń biri bolyp mýzykalyq ara aspabymen oryndalatyn kompozıtsııalardy jazdy. Kontsertteri álemniń úzdik sahnalarynda ótetin japondyq pıanıst ıAmashıta Kenjı men organıst Keıko Inoýe óneri de kórermenniń ystyq yqylasyna bólendi.

Qazaqstannyń ulttyq mýzyka ónerin «Qazaqkontsert» memlekettik kontserttik uıymynyń «Astana sazy» etno-folklorlyq ansambli usyndy. Elimizdiń úzdik etno-folklorlyq ansamblderdiń biri qazaq ulttyq mýzykalyq aspaptarymen óner kórsetip, tyńdarmannyń zor qoshemetine ıe boldy. Buǵan qosa, ónersúıer qaýym ózbekstandyq «Registan» toby usynǵan ózbek ulttyq mýzykasyn tyńdaı aldy. Kontsertti belgili qazaqstandyq kınoaktrısa Gýlnar Dýsmatova júrgizdi.

Kesh sońynda barlyq ártister «Japon kúzi» festıvaliniń kórkemdik jetekshisi, ataqty maestro Tımýr Ýrmancheevpen birge S.ıAgısavanyń «Erteńgi kún» kompozıtsııasyn oryndady. «Degdar» gýmanıtarlyq qorynyń dırektory Laýra Ahmetovanyń aıtýynsha, úsh eldiń óner maıtalmandaryn bir sahnada toǵystyrǵan festıvaldiń basty maqsaty – kórermenderdi japon mýzykasymen, mádenıetimen tanystyryp, elder arasyndaǵy mádenı yntymaqtastyqty nyǵaıtý.

«Búgin sahnada jas talanttar men ataqty ónerpazdar birge óner kórsetip, ózara qundy tájirıbe almasýǵa keremet múmkindik aldy. Kórermender artısterge ystyq yqylastaryn bildirip, shynaıy iltıpattaryn kórsetti. Halyqaralyq kelisim men beıbitshilikti mýzyka arqyly nyǵaıtýda «Japon kúzi» festıvaliniń róli zor», - dedi Laýra Ahmetova.

«Japon kúzi» festıvali 26 qyrkúıek kúni Bishkek qalasynda jalǵasady.

Festıvaldiń jabylý saltanaty 27 qyrkúıekte Almaty qalasynda ótpek. Almatylyqtar japon mýzykasymen qatar, Kúnshyǵys eliniń úzdik kınotýyndylaryn tamashalaı alady. Fılmder 28 qyrkúıek pen 2 qazan aralyǵynda «Tsezar» kınoteatrynda kórsetiledi. «Japon kúzi» festıvali aıasynda barlyq is-sharalarǵa kirý tegin.


Bizdiń kanalymyzǵa jazylyńyz:

Basty sózder: Mádenıet, Óner, Ózbekstan,
Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT