+7 (701) 759 90 19
USD 381.10 EUR 420.81
RUB 5.65 CNY 54.57
Jańalyqtar

«Qazaqkontsert» ártisteri qarttar úıindegi qarııalarǵa merekelik tartý jasady

2019 jylǵy 31 jeltoqsan 20:28
Bólisińiz:
«Qazaqkontsert» ártisteri qarttar úıindegi qarııalarǵa merekelik tartý jasady

NUR-SULTAN. QazAqparat - QR Mádenıet jáne sport mınıstrliginiń qoldaýymen «Qazaqkontsert» ártisteri «Sharapat» áleýmettik qyzmet kórsetý ortalyǵyndaǵy qarttar úshin merekelik qaıyrymdylyq kontsert ótkizip, Jańa jyl merekesi qarsańynda qarııalardyń kóńilderine qýanysh syılady, dep habarlaıdy QazAqparat tilshisi.

Mınıstrlik málimetinshe, Nur-Sultan qalasy ákimdiginiń «Sharapat» áleýmettik qyzmet kórsetý ortalyǵynda zeınet jasyna jetken, І jáne ІІ toptaǵy múgedekter jáne jalǵyz basty qarııalar turady. Qamqorlyqsyz qalǵan qarttardyń kúndelikti ómirine merekelik kóńil-kúı syılaǵan «Qazaqkontsert» uıymy 2019 jyldy osylaısha qaıyrymdylyq sharasymen aıaqtady. «Qazaqkontsert» MKU dırektory Jeńis Seıdollauly atap ótkendeı, elimizdiń basty óner oshaǵy bıyl kóptegen qaıyrymdylyq is-sharalaryn ótkizdi. Ár kontsert boıynsha bıletterdiń biraz bóligi qaıyrymdylyq maqsatta tabystaldy.


«Qazaqkontsert úlken merekelerge oraı qaıyrymdylyq jasaýdy jaqsy dástúrge aınaldyrdy. Halqymyzǵa tán meıirimdilik pen qaıyrymdylyq qasıetterin negizge alyp, biz árdaıym júrek jylýyna muqtaj jandarǵa ónerimiz arqyly qoldaý kórsetip kelemiz. Jaqynda ǵana ótken «Jańa jyldyq kezdesý-2» kontsertinde 1 500 jýyq bıletti qaıyrymdylyq maqsatta áleýmettik deńgeıi tómen kópbalaly otbasylar men múmkindigi shekteýli jandarǵa, balalar úıiniń tárbıelenýshileri men qarttarǵa tabystadyq. Osy jaqsy úrdisten alshaqtamaı, biz jyldyń sońyn da osyndaı erekshe kontserttik baǵdarlamamen qorytyndyladyq. Memleket basshysy aıtqandaı, biz – áleýmettik memleketpiz. Sondyqtan keler jyly da «Qazaqkontsert» uıymy áleýmettik turǵydan osal jandarǵa qamqorlyq jasaýdy jalǵastyrmaq», - dedi Jeńis Seıdollauly.

«Qazaqkontsert» artisteri qarııalar úshin barshaǵa tanymal keńes zamanyndaǵy ánder men qazaq kompozıtorlarynyń týyndylarynan qurylǵan erekshe kontserttik baǵdarlama usyndy. Merekelik kontsertte Jeńis Seıdollauly, Azamat Jeltyrkózov, Qurmash Mahanov, Nurlytań Ermek, Janna Sandybaeva syndy belgili operalyq jáne estradalyq ánshiler óner kórsetti.

Rızashylyq tanytqan kórermen artısterge qoshemet kórsetip, olarǵa alǵystaryn jetkizdi. Kontsert sońynda qarııalar júrekterine jylý men qýanysh sezimderin uıalatqan «Qazaqkontsert» artısterine aq batalaryn berip, jaqsy tilekterin bildirdi.



Bizdiń kanalymyzǵa jazylyńyz:

Basty sózder: Nur-Sultan, Qaıyrymdylyq, Óner,
Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT