+7 (701) 759 90 19
USD 384.97 EUR 427.12
RUB 6.04 CNY 54.75
Jańalyqtar

«Qazaqfılmniń» Táýelsizdik jyldary shyǵarǵan mýltfılmderin jeliden kórýge bolady

2019 jylǵy 28 qazan 21:30
Bólisińiz:
«Qazaqfılmniń» Táýelsizdik jyldary shyǵarǵan mýltfılmderin jeliden kórýge bolady

ALMATY. QazAqparat - «Qazaqfılm» kınostýdııasy shyǵarǵan 10 mýltfılmdi Youtube vıdeohostıngindegi paraqshasynda kórýge bolady, dep habarlaıdy QazAqparat.

Uqsas jańalyqtar

«Qazaqfılm» kınostýdııasy barlyq qazaqstandyqtardy Halyqaralyq anımatsııa kúnimen quttyqtaıdy. Bul mereke úlkenge de, kishige de ortaq, óıtkeni bala kezden súıip tamashalaıtyn mýltfılmder adam minez-qulqynyń qalyptasýyna áser etetini barshaǵa málim. Búginde otandyq anımatsııanyń sapasy men jetken jetistikteri de qýantarlyq. Mysaly, jaqynda ǵana Germanııada ótken 24-shi Halyqaralyq balalar men jasóspirimderge arnalǵan Schlingel festıvalinde «Muzbalaq» tolyqmetrajdy anımatsııalyq fılmi synshylardyń joǵary baǵasyn alyp, «Úzdik anımatsııalyq fılm» júldesine ıe boldy», delingen habarlamada.

«Ámen Qaıdarov negizin qalaǵan otandyq anımatsııa búginde elimizde, sonymen qatar shetelde de úlken suranysqa ıe. Sapasy jaǵynan batystyń fılmderinen kem túspeıtin bizdiń mýltfılmder únemi halyqaralyq festıvalderge qatysyp, júldeli oryndardan kórinip júr.

Ózderińiz biletindeı, bıyl qyrkúıektiń ortasynda «Qazaqfılmde» qazaq kınosynyń murajaıy ashylǵan bolatyn. Osy merekege oraı «Qazaqfılm» kınostýdııasy elimizdiń anımatsııa salasynyń damýyna úles qosqan kınoger ardagerlerimizge estelik syılyqtardy – qazaq anımatsııasynyń 50 jyldyǵyna arnaıy shyǵarǵan kúmis monetalar jáne poshta markasyn tabystady.

Anımatsııa óneri – kıno óndirisindegi strategııalyq mańyzdy ári eń qyzyqty salalardyń biri. Biz úshin ár kórermen qymbat, sondyqtan da anımatsııa salasynda da búldirshinderimizdiń kóńilinen shyǵýǵa tyrysamyz», - dedi «Qazaqfılm» kınostýdııasynyń prezıdenti Arman Ásenov.

Sonymen qatar, kınostýdııa basshysy osy jyldyń sońyna deıin búgingi qazaq anımatsııasyna arnalǵan poshta markalarynyń jaryqqa shyǵatynyn aıtty. Bul markalarda Sh.Aımanov atyndaǵy «Qazaqfılm» kınostýdııasynyń «Anımatsııalyq kıno» shyǵarmashylyq birlestiginde túsirilgen mýltfılmderdiń («Qoshqar men teke», «Maqtanshaq qyz», «Er Tóstik jáne Aıdahar») kadrlary beınelenetin bolady.

Aıta ketsek, QR Mádenıet jáne sport mınıstrligi tapsyrysy boıynsha Sh.Aımanov atyndaǵy «Qazaqfılm» AQ-nyń táýelsizdik jyldary jaryqqa shyǵarǵan birneshe anımatsııalyq fılmderdi «Qazaqfılm» kınostýdııasynyń youtube jelisindegi resmı arnasynan kórýge bolady.

Anımatsııalyq fılmderdiń tizimi:

1. «Kúltegin» / Rejısseri - Adaı Ábildınov / 2017 jyl.

2. «Muzbalaq» /Rejısserleri -Turdybek Maıdan, Tilek Tóleýǵazy / 2017 jyl.

3. «Tımýr men Janık» / Rejısseri - Ramıl Ýsmanov/ 2010 jyl.

4. «Tımýr men aıdahar» / Rejısseri - Ramıl Ýsmanov / 2013 jyl.

5. «Jeruıyq» / Rejısseri - A.Ábildınov / 2013 jyl.

6. «Maqtanshaq qyz» / Rejısseri - Ramıl Ýsmanov /2011 jyl.

7. «Qoshqar men teke» / Rejıssery - Batyrhan Dáýrenbekov / 2008 jyl.

8. «Er Tóstik jáne Aıdahar» / Rejısserleri - Jáken Danenov, Rýstam Turalıev / 2012 jyl.

9. «Qazaqstan - bizdiń ortaq úıimiz» (9 serııaly anımatsııalyq tsıkl)/2014 jyl.

10. «Qazaq Eli» /Rejısseri - B. Dáýrenbekov/ 2015 jyl.

Odan bólek, «Qazaqfılm» kınostýdııasy qazaq kınosynyń altyn qoryna engen fılmderdi, onyń ishinde qazaq kınosynyń klassıgi Sháken Aımanov túsirgen barlyq fılmderdi jelidegi arnasynda júkteýdi josparlap otyrǵanyn aıta ketken jón.

Bizdiń kanalymyzǵa jazylyńyz:

Basty sózder: Mádenıet, Táýelsizdik kúni,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT