Qazaqfılm ujymy  Asanáli Áshimovke at mingizdi
2022 jylǵy 25 mamyr 22:19

Qazaqfılm ujymy Asanáli Áshimovke at mingizdi

NUR-SULTAN. QazAqparat - «Qazaqfılm» kınostýdııa ujymy Qazaqstannyń halyq ártisi Asanáli Áshimovtyń 85 jasqa tolýyna oraı saltanatatty shara ótkizdi, dep habarlaıdy QazAqparat kınostýdııanyń baspasóz qyzmetine silteme jasap.

Jaqynda ǵana mereıtoıyn atap ótken daryn ıesi ulttyq kınematografııanyń altyn qoryna engen Sultan Qojyqovtyń «Qyz Jibek», Sháken Aımanovtyń «Atamannyń aqyry», Májit Begalınniń «Tulpardyń izi», Hýat Ahmetovtyń «Ka myrza, Siz kimsiz?» jáne basqa da kóptegen fılmderdi jaryqqa shyǵarǵan qazaq kınosynyń qara shańyraǵy – «Qazaqfılm» kınostýdııasynda óziniń mereıtoıyn ónerdegi áriptesteri men jaqyndarynyń ortasynda atap ótti.

Saltanatty sharany ashqan «Qazaqfılmniń» prezıdenti Aqan Sataev Asanáli Áshimovty 85 jasqa tolýymen quttyqtaı otyryp, qazaq kınosynyń ańyzy atanǵan akterdiń elimizdiń mádenıetine qosqan erekshe úlesi týraly aıtty.

Kesh sońynda qazaqtyń salt-dástúri boıynsha Asanáli Áshimovke qurmet kórsetilip, asyl tuqymdy tulpar tartý etildi. Sonymen qatar, mereıtoı ıesine rejısser retinde túsirgen jáne ózi túsken kartınalardan quralǵan fılmder jıyntyǵy syıǵa berildi. Olardyń qatarynda Asanáli Áshimovtyń mereıtoıyna oraı túsirgen rejısser Tólegen Nuqytovtyń «Ómirim-ónerim» atty derekti fılmi de bar.



Jańalyqtar

MURAǴAT