+7 (701) 759 90 19
USD 418.67 EUR 507.64
RUB 5.71 CNY 64.74
Jańalyqtar

«Qazaqfılm» týyndylary Ispanııadaǵy festıvalde júldelerge ıe boldy

2019 jylǵy 25 qarasha 13:36
Bólisińiz:
«Qazaqfılm» týyndylary Ispanııadaǵy festıvalde júldelerge ıe boldy

ALMATY. QazAqparat - «Qazaqfılm» kınostýdııasynyń prezıdenti Arman Ásenov Ispanııanyń Barselona qalasynda ótken Asian Film Festival kınofestıvalinde otandyq týyndylar júldeli orynǵa ıe bolǵanyn málimdedi, dep habarlaıdy QazAqparat tilshisi. Qazaqfılm baspasóz qyzmetine silteme jasap.

Arman Ásenovtyń málimetinshe, Ispanııanyń Barselona qalasynda ótken Asian Film Festival kınofestıvalinde «Qyz ben teńiz» kınosy «Úzdik fılm» júldesimen marapattaldy.

«Qyz ben teńiz» fılminde BTsP-men aýyratyn Ásel esimdi boıjetkenniń ómiri baıandalady. Onyń bar armany – mahabbatyn kezdestirip, otbasyn qurý. «Arman alǵa jeteleıdi» demekshi, Ásel barlyq qıyndyqtarǵa tótep berip, jaqsylyqtan úmit úzbeıdi.

Bul kınotýyndy bıyl Londonda ótken Romford film festival festıvalinde «Úzdik áıel adamnyń róli» (Dınara Sháripova) júldesimen, Bashqurtstanda ótken IV «Qúmis aqbozat» festıvalinde «Áleýmettik jáne motıvatsııalyq kıno» nomınatsııasy boıynsha qoǵam qaıratkeri Karıne Habırovanyń arnaıy júldesimen jáne Bashqurtstan Respýblıkasynyń Otbasy jáne eńbek mınıstrligi atynan «Armandardyń oryndalýy» arnaıy syılyǵymen (akter Tahır Ýmarovqa tabystaldy) marapattalǵan bolatyn.

Sondaı-aq osy festıvalge qatysqan «Arýaq» kartınasy (rejısseri Hýat Ahmetov) da «Erekshe» baǵdarlamasynda «Úzdik stsenarıı» júldesine qol jetkizdi.

«Arýaq» fılmi eki keıipkerdiń – Aǵataı qart pen jetim balanyń kezdeısoq ushyrasýy týraly baıandaıdy. Qazaq kınosynyń metri, SSSR halyq artısi Asanáli Áshimov osy fılmde somdaǵan róli úshin bıyl Anapa qalasynda ótken «Kınoshok» kınofestıvalinde úzdik er adam róli júldesimen marapattaldy.

Sonymen qatar, Asian Film Festival festıvaline «Qazafılm» kınostýdııasy túsirgen «Shyńyraý» (rej. Jańabek Jetirýov, «Satash» (rej. Tólegen Baıtókenov) jáne «Na granı» (rej. Aldııar Baırákimov) qatysty.

Bıyl jetinshi ret uıymdastyrylyp otyrǵan ıspanııalyq festıvalde Azııadaǵy 25 eldiń 100-ge jýyq fılmderi kórsetildi.

Bizdiń kanalymyzǵa jazylyńyz:

Bólisińiz:

Avtor:

Alma Muqanova

Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT