+7 (701) 759 90 19
USD 387.16 EUR 428.47
RUB 6.08 CNY 55.13
Jańalyqtar

Qazaq jigiti álemdegi TOP-10 kompanııanyń birinde eńbek etedi – Sheteldegi qazaqtildi BAQ-qa sholý

2019 jylǵy 12 qazan 14:38
Bólisińiz:
Qazaq jigiti álemdegi TOP-10 kompanııanyń birinde eńbek etedi – Sheteldegi qazaqtildi BAQ-qa sholý

NUR-SULTAN. QazAqparat - «QazAqparat» HAA shetelde qazaq tilinde taraıtyn aqparat kózderine apta saıynǵy sholýyn usynady.

Uqsas jańalyqtar

Qazaq jigiti álemdegi TOP-10 kompanııanyń birinde eńbek etedi – kaznews

Osy aptada Mońǵolııanyń kaznews.mn aqparattyq portalynda «Temburong bridge» jobasy aıasynda Brýneı-Darýssalam elindegi koreıalyq «DAELIM» kompanııasynda, keıin qytaılyq «China state construction» kompanııasynda geodezııa ınjeneri qyzmetin atqarǵan Ozatuly Erǵulanmen suhbat jarııalandy.


Atalǵan aqparat kóziniń deregine súıensek, Mońǵolııa qazaǵy Erǵulan 1993 jyly dúnıege kelgen. 2011 jyly Ólgıı qalalyq «Bastama» orta mektebin, 2015 jyly QHR-dyń Shan Dong ólkesi, Shıng Dao qalasynyń Shan Dong tehnıkalyq ýnıversıtetin geodezııalyq ınjener mamandyǵy boıynsha bitirgen.

Suhbatta Ozatuly Erǵulan Brýneı-Darýssalam Sultandyǵyna qalaı barǵany týraly baıandaıdy. Ol alǵashqy jumysyn Ulanbatyr qalasynda halyqaralyq áýejaı qurylysynan geodezııalyq ınjener bolyp bastaǵan. Onyń aıtýynsha, bul jobada kóptegen elderdiń kompanııalary jumys atqarady. Sonda birge jumys jasaǵan koreıalyq ınjenerler Brýneı-Darýssalam elindegi «Temburong bridge» jobasyna jumysqa usynys bildirgen. Koreıalyq «DAELIM» kompanııasy ol kezde jobanyń kómekshi kompanııasy eken. Munda 1 jyl ınjener bolyp qyzmet etedi. Odan keıin negizgi atqarýshy kompanııa – qytaılyq «China state construction» ony sol jobada qalýǵa shaqyrǵan.


«China state construction» – álemdegi eń iri 10 kompanııanyń biri. Meniń jumysqa shaqyrylýymnyń negizgi sebebi – osy jobada jumys tájirıbemniń bolýy jáne qytaı tilin bilýim. Qazir osy kompanııada jobanyń geodezııalyq bas ınjeneri bolyp jumys jasaımyn. Joba boıynsha teńiz ústinen 30 shaqyrymdyq kópir salynady. Qazir qurylys jumysynyń 87% atqaryldy. Aldaǵy jyldyń sońynda bul jobany aıaqtaımyz», - deıdi jas maman Erǵulan Ozatuly.

Jas ınjener bul kólemdi suhbatynda tilshiniń ártúrli saýaldaryna tııanaqty jaýaptar berý arqyly, qazaqtarǵa beıtanystaý bolyp sanalatyn óz jumysynyń qyr-syrynan kóptegen maǵlumattar beredi. Eń kóp qoldanylatyn, paıdalanýǵa qushtar jumys quraly, baǵdarlamalary týraly aıtady.

«...GPS- Hi Target, Leica TS-09 plus total station quraly jáne de DJI Phantom 4RTK markaly dronyn sońǵy ýaqytta kóp paıdalanamyn. Jumys jaǵdaıyna sáıkes geodezııa núktesin anyqtaýda, jerdi ólshegende, aýmaqtyń jaǵdaıyn baqylaýda, teńizdiń ústinde drondy kóp qoldanamyn. Al, eń kóp paıdalanatyn baǵdarlamamyz árıne, We chat, QQ», - deıdi jas ınjener.

Altaıqalasyndashóp-dárimurajaıyashyldy«Aǵajaı-Altaı» saıty


Qytaıdyń Altaı qalasynda «Altaı taýy shóp-dári murajaıy» atty ámbebap murajaı ashyldy. Shara aqysyz negizde ótýde.

Altaı taýy shóp-dári murajaıynyń salynyp, iske qosylýynyń maqsaty dárilik shóptiń paıdasyn jáne olardan dárini qalaı jasaýǵa bolatynyn halyqqa keńinen túsindirý boldy, dep jazady kazakh.altxw.com aqparattyq portaly.


«Ámbebap murajaı 10 myń sharshy metr aýmaqta ornalasqan. Qurylys aýmaǵy 1700 sharshy metrge jetken. Nysanda 3 úlken kórme zaly bar. Oǵan dárige paıdalanylatyn ósimdikterdiń 500-den astam fotosy, balaýyzdan jasalǵan ósimdikterdiń 400-den astam úlgisi, qumyraǵa shylanǵan ósimdikterdiń 120 jáne ózge de zattardyń 300-ge jyq úlgisi qoıylǵan. Bunda dárilik shóptiń syrtqy pishini, ósipـjetilý ortasy men gúli, jemisi, tamyry, tuqymynyń dárilikke paıdalanylatyn bólimi tolyq tanystyrylǵan. Sonymen birge, murajaıda atalǵan aımaqtyń aýdan, qalalarynda ósirilgen jasyl ekologııalyq, joǵary sapaly dárilik shóp ónimi, aımaq kólemindegi dári zaýyttarynyń tabıǵı dári ónimderi de kórsetilgen», - dep jazady qytaılyq BAQ.


Bishkekte «Qutty bilik» konferentsııasy ótedi - TRT


«Túrkııa Radıo televızııa» portalynyń málimetine súıensek, Bishkekte túrik-ıslam áleminiń uly aqyny, ǵulama oıshyly Júsip Balasaǵunnyń «Qutty bilik» kitabynyń 950 jyldyǵy aıasynda halyqaralyq konferentsııa ótedi.

Qyrǵyzstannyń Mádenıet, aqparat jáne týrızm mınıstrliginiń baspasóz qyzmeti taratqan aqparatqa qaraǵanda, osyǵan oraı mınıstr Azamat Jamanqulov Halyqaralyq Túrki akademııasynyń basshysy, professor Darhan Qydyrálini qabyldady. Kezdesýde eki basshy «Qutty bilik» konferentsııasyn uıymdastyrý máselesin talqylady.

«Prezıdenttik apparat baspasóz qyzmetiniń habarlaýynsha, Prezıdent Sooronbaı Jeenbekovtiń qabyldaýynda bolǵanda da «Qutty biliktiń» mereıtoıyna baılanysty ótkiziletin sharalar jáne Túrki akademııasynyń bolashaqtaǵy josparlary jóninde áńgime bolǵan», - dep jazady túrkııalyq BAQ.

Qandasymyz Qytaı chempıonatynda bas júldeni jeńip aldy - Qytaıdyń «Ortalyq halyq radıosy» (CNR)


Lanjoý qalasynda ótken Qytaı chempıonatynda 2019 jylǵy kúres túrinen qazaq balýany taǵy da altyn medalǵa qol jetkizdi. Bul týraly osy aptada qytaıdyń CNR aqparattyq portaly habarlady. Gansý ólkesiniń balýany Erlanbek Káteıuly erkin kúresten altyn medal jeńip aldy. Qytaıdaǵy balýandardyń kil myqtysyn anyqtaıtyn bul jolǵy respýblıkalyq baıraqty básekege 137 qurama, 1120 sportshy qatysqan. Toǵyz kún boıy 10 túrli salmaq boıynsha baq synaǵan chempıonatta qandasymyz 65 keli sanatynda bas júldeni enshilegen.


Erlanbek 2009 jyldan beri Qytaı chempıonattarynda jeńis tuǵyrynan túspeı kele jatqan balýan.

Aıta ketý kerek, Erlanbek Káteıuly Qytaıdyń Altaı aımaǵyna qarasty Qyzyltas qalashyǵynda dúnıege kelgen. Ol 2010 jyly Qytaı birinshiliginde 65 keli salmaq dárejesi boıynsha chempıon atanyp, osy eldiń Gansý ólkelik ulttyq quramasyna alyndy. Álemdik jarystarda Qazaqstan balýandarymen de birneshe ret kezdesken. Ol 2014 jyly Ońtústik Koreıanyń Inchhon qalasynda ótken Azııa oıyndarynda qola medal ıelendi. Sol jolǵy jarystyń birinshi aınalymynda ol qazaqstandyq Dáýren Jumaǵazıevti jeńip, shırek fınalda úndistandyq, London Olımpıadasynyń qola júldegeri Iogeshvar Dýttanǵa ese jiberdi. Al qolaǵa talasqanda soltústik koreıalyq Kan Chın Hýkty jeńdi. Bul Erlanbek Káteıulynyń halyqaralyq jarystaǵy alǵashqy medali bolatyn.

Esterińizge sala keteıik, Erlanbek Qytaıdaǵy qazaqtar arasynan Olımpıadaǵa joldama alǵan úshinshi qandasymyz. Oǵan deıin grek-rım kúresinen Álnur Tórgeuly, bokstan Qanat Islam Olımpıadada Qytaı atynan óner kórsetken bolatyn.

Ózbekstandyq gımnast Olımpıada rekordyn jańartty - «ÓzA» aqparattyq agenttigi


Sport gımnastıkasy boıynsha jeti ret Olımpıada oıyndarynyń qatysýshysy retinde rekord ornatqan Ózbekstandyq sportshy Oksana Chýsovıtına Tokıo-2020 dodasyna da joldama aldy, dep habarlaıdy Ózbekstannyń «ÓzA» memlekettik aqparattyq agenttigi.

Ózbekstandyq BAQ-tyń málimetinshe, Germanııanyń Shtýtgart qalasynda ótken sport gımnastıkasynan Álem chempıonatynda Oksana Olımpıada oıyndaryna segizinshi ret joldama alyp, óziniń kásibı mansabyndaǵy rekordty jáne Gınnes kitabyndaǵy rekordty jańartqan.

«Eske sala ketsek, Oksana Chýsovıtına 1992 jyldan bastap 2016 jylǵa deıin ótken jeti Olımpıadanyń barlyǵyna qatysqan. Bul kórsetkish Olımpıada tarıhyndaǵy úzdik nátıje bolyp, Gınnestiń rekordtar kitabyna engen bolatyn», - dep jazady uza.uz.

Farsan qalasyndaǵy sardar Asad Bahtııarı qamaly - «Fars» aqparat agenttigi


Iran aýmaǵynda tarıhı-mádenı ortalyqtar jıi kezdesip jatady. Sondaı tarıhı ortalyqtyń biri – Asad Bahtııarıdiń qamal-saraıy. Júz jyldyq tarıhqa ıe sardar Asad Bahtııarıdiń qamal-saraıy Frantsııanyń zamanaýı sáýlet ónerinen shabyt alyp, on toǵyzynshy ǵasyrdaǵy eýropalyq saraılar stılinde salynǵan, dep jazady parstoday aqparat agenttigi.

Bul qamal Chaharmahal Bahtııarıdaǵy Farsan shahrestany Djýnǵan qalasynyń tarıhı eskertkishteri arasynan asyl jaquttaı kózge túsedi.

Bizdiń kanalymyzǵa jazylyńyz:

Basty sózder: Qandastar, BAQ,
Bólisińiz:

Avtor:

Beısen Sultan

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT