Qazaq tilinde oqıtyn oqýshylardyń bilim sapasy artyp keledi
2022 jylǵy 5 shilde 16:16

Qazaq tilinde oqıtyn oqýshylardyń bilim sapasy artyp keledi

NUR-SULTAN. QazAqparat – Qazaq jáne orys tilinde oqıtyn bilim alýshylardyń arasyndaǵy alshaqtyq 21 balǵa qysqardy. Bul týraly «Aqparattyq-saraptamalyq ortalyq» AQ basqarma tóraǵasy Maǵjan Amanǵazy aıtty, dep habarlaıdy QazAqparat tilshisi.

«Qala men aýyl oqýshylary arasynda oqý saýattylyǵyndaǵy alshaqtyq 22 balǵa qysqarǵan. 2018 jyl bul kórsetkish 37 baldy qurasa, 2021 jyldyń zerteý nátıjesine sáıkes 15 ball boldy. Bul alshaqtyq negizinen aýyl mektepteriniń oń dınamıkasy negizinde oryn aldy. Oqytý tili boıynsha, ıaǵnı, qazaq jáne orys tilinde oqıtyn bilim alýshylardyń arasyndaǵy alshaqtyq 21 balǵa qysqardy. Bul jerde de alshaqtyq qazaq tilinde oqıtyn oqýshylardyń anaǵurlym oń dınamıkasy nátıjesinde qysqardy», - dedi Maǵjan Amanǵazy Oqý-aǵartý mınıstrliginiń apparat jınalysynda.

Buǵan deıin ol 2021 jyly júrgizilgen PISA halyqaralyq zertteýiniń alǵashqy nátıjelerin jarııalaǵan edi.

«PISA-2018-ben salystyrǵanda barlyq úsh baǵyt boıynsha oń dınamıkany baıqap otyrmyz. Sonymen qatar fýnktsıonaldyq saýattylyǵy tómen bilim alýshylardyń da úlesi qysqaryp otyr. Qala men aýyl oqýshylary arasyndaǵy oqý tili turǵysynan alshaqtyqtyń qysqarǵanyn atap ótken jón», - dedi ol.


Uqsas jańalyqtar

Jańalyqtar

Úrdis

MURAǴAT