+7 (701) 759 90 19
USD 386.19 EUR 427.71
RUB 6.07 CNY 54.87
Jańalyqtar

Qazaq radıosy «Halyq únine qulaq asatyn memleket» tujyrymdamasyn júzege asyrýǵa atsalysady

2019 jylǵy 21 qarasha 19:17
Bólisińiz:
Qazaq radıosy «Halyq únine qulaq asatyn memleket» tujyrymdamasyn júzege asyrýǵa atsalysady

NUR-SULTAN. QazAqparat - Kásibı zańger-radıojýrnalıst Nura Ótebaeva júrgizetin «Halyq úni» radıohabary ashyldy, dep habarlaıdy QazAqparat Qazaq radıosyna silteme jasap.

Qazaq radıosyndaǵy jańa formattaǵy habarda tyńdarmandarǵa quqyqtyq keńes berilip, memlekettik qyzmetterdi alýdyń tetikteri jan-jaqty túsindiriledi. Buqaramen keri baılanys ornatýǵa baǵyttalǵan habarlar apta saıyn sársenbi jáne beısenbi kúnderi saǵat 10-15 te tikeleı efırge shyǵady.

«Qazaq radıosy osylaısha Prezıdent bastamasymen qolǵa alynǵan «Halyq únine qulaq asatyn memleket» tujyrymdamasyna kóshýge atsalyspaq. Habar áýe tolqynan bólek Facebook pen Youtube jelisinde vıdeonusqada kórsetiledi. Bul radıoǵa habarlasyp, quqyqtyq keńes alatyn azamattardy neǵurlym kóbirek qamtýǵa múmkindik beredi», delingen habarlamada. Habardyń búgingi sanyna telefon men áleýmettik jeli jáne WhatsApp messendjeri arqyly 100-ge jýyq suraq túsken. Saýaldardyń deni memleket esebinen nesıeniń aýyrtpashylyǵyn azaıtý, alıment óndirý men jumysqa ornalasý jáne turǵyn-úı baǵdarlamalarynyń naqty tetikterine qatysty. Qazaq radıosynyń basshylyǵy habarǵa tyńdarmandar tarapynan suranystyń joǵary ekenin eskere kele, onyń oryssha nusqasyn ashýdy da qolǵa alǵan. «Terrıtorııa prava» atty habar áýe tolqynan aptasyna bir ret orys tildi tyńdarmandar úshin jańa formatta efırge shyǵady. Ony júrgizýge Qazaq radıosynda talaı jyl qyzmet istegen zańger maman Nurjan Baıymbetov shaqyryldy.

Aıta ketý kerek, Qazaq radıosy el aýmaǵynyń 90 paıyzyna efır taratatyn buqaralyq aqparat quraldarynyń biri. Bir ǵasyrǵa jýyq tarıhy bar radıoarna el aýmaǵynan bólek QHR men Mońǵolııanyń jáne Ózbekstannyń Qazaqstanmen shekaralas aımaǵyna habar taratady.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT