+7 (701) 759 90 19 Lenta
USD 387.34 EUR 428.44
RUB 6.04 CNY 54.58
Jańalyqtar

«Qazaq poezııasynyń injý-marjandary» oqyrmanǵa jol tartty

2019 jylǵy 26 tamyz 16:12
Bólisińiz:
«Qazaq poezııasynyń injý-marjandary» oqyrmanǵa jol tartty

NUR-SULTAN. QazAqparat – Elordada «Qazaq poezııasynyń injý-marjandary» antologııasy boıynsha on úsh kitaptyń tusaýkeseri ótti, dep habarlaıdy QazAqparat tilshisi.

Uqsas jańalyqtar
Qazaqstan úshin jańa dáýir týyp keledi – Oljas Súleımenov Tólen Ábdik: Qazirgi qazaq ádebıetinde álem oqyrmanyna tanystyratyn shyǵarmalar jeterlik Arab jazýshysy: Ádebıet – dinnen azat, tolerantty qundylyq

Antologııa Elbasy Nursultan Nazarbaevtyń «Rýhanı jańǵyrý» baǵdarlamasy aıasynda Qazaqstan Prezıdenti Qasym-Jomart Toqaevtyń tikeleı qoldaýymen jaryqqa shyǵyp otyr.

Memleket basshysy osy toptamaǵa engizilgen ár aqynnyń kitabyna jazǵan alǵy sózinde «Rýhanı jańǵyrý» tarıhı muralarymyzdy túgendep, jaýhar poezııamyzdy urpaqtyń ıgiligine aınaldyrý kerektigin basa aıtyp ótken.



«Memleket basshysy kórkem ádebıetimizdiń damýyna árdaıym qoldaý kórsetip, barlyq múmkindikti jasap otyrǵanyn bilesizder. Osy 13 tomdyqtyń árbiri kirispesinde jeke-jeke toqtalyp, óziniń alǵy sózin qaldyryp otyr. Júrekte býyrqanǵan ulttyq rýhty, tyń serpin beretin aqyndarymyzdyń jalyndy jyrlarynyń toptamasy qutty bolsyn deımiz. Oqyrman qaýymnyń «Jalǵasyn taba ma?» degen kókeıinde saýaly baryn bilemiz. Prezıdent Qasym-Jomart Kemeluly alǵy sózderiniń birinde «aldaǵy ýaqytta osy toptama jalǵasyn taýyp, kórnekti aqyndarymyzdyń shyǵarmalaryn jaryqqa shyǵara beremiz degen senimdemin» dep atap ótken. Joǵarydaǵy suraqtyń jaýaby osy dep oılaımyn», - dedi Ulttyq kitaphanada ótken tusaýkeserde moderator bolǵan Prezıdenttiń baspasóz hatshysy Berik Ýálı.


Atalǵan toptamaǵa 13 aqynnyń týyndysy engizilgen. Naqtyraq aıtqanda, «Qazaq poezııasynyń injý-marjandary» antologııasynan Abaı, Shákárim, Maǵjan Jumabaev, Qasym Amanjolov, Juban Moldaǵalıev, Jumeken Nájimedenov, Tumanbaı Moldaǵalıev, Qadyr Myrza Áli, Muqaǵalı Maqataev, Farıza Ońǵarsynova, Oljas Súleımenov pen Muhtar Shahanovtyń óleńderin oqı alasyzdar.



«Elbasynyń «Rýhanı jańǵyrý» baǵdarlamasy aıasynda mádenıetimizge, ádebıetimizge qatysty ıgi isterdiń atqarylyp jatqanyn ózderińiz bilesizder. Sol baǵdarlamanyń aıasynda biz bıyl Azııa jazýshylarynyń birinshi forýmyn ótkizeıik dep otyrmyz. Onyń kúnderi jaqyndap kele jatyr. Bul kitaptar sonyń qarsańynda jaryqqa shyqty. Sol forýmǵa qatysatyn qalamgerlerge osy kitaptar tartý etiledi. Memleket basshysynyń jáne odan bergi mınıstrlikter, memlekettik hatshy – barlyqtarynyń ádebıetke degen oń kózqarasy qalyptasa bastaǵanyn, sonyń kórinisi bir kórinisi ekenin erekshe atap ótkim kelip otyr. Jazýshylar odaǵyna kópten beri jasalmaǵan jóndeý jasalǵaly otyr. Qomaqty qarajat bólindi. Usynǵan jobalarymyz maquldanýda. Osynyń bári ádebıetke kóńil bólinip jatyr dep esepteımiz», - dedi tusaýkeser barysynda Qazaqstan Jazýshylary odaǵynyń tóraǵasy Ulyqbek Esdáýlet.



«Qazaq poezııasynyń injý-marjandary» antologııasy Qazaqstan Jazýshylary odaǵynyń tóraǵasy, aqyn Ulyqbek Esdáýlettiń, Memlekettik syılyqtyń ıegeri Álibek Asqarovtyń, «Folıant» baspasynyń dırektory Nurlan Isabekovtyń qoldaýymen oqyrmanǵa jol tartyp otyr. Árbir kitap 1 myń danamen shyqty.



Óz kezeginde óleńderi atalmysh toptamaǵa engizilgen Muhtar Shahanov sóz sóılep, Qazaqstan Jazýshylar odaǵy tarapynan jańa ıdeıalar júzege asyp jatqanyn aıtyp ótti.

«Eldik, shyndyq bıiginde bas qosa bereıik», - dedi


.



Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT