+7 (701) 759 90 19
USD 389.98 EUR 434.01
RUB 6.10 CNY 55.04
Jańalyqtar

Qazaq poezııasy men prozasynyń arab tilindegi antologııasy jaryq kóredi

2018 jylǵy 12 qazan 16:15
Bólisińiz:
Qazaq poezııasy men prozasynyń arab tilindegi antologııasy jaryq kóredi

ASTANA. QazAqparat - 2019 jyly Mysyrda Qazaq poezııasy men prozasynyń arab tilindegi antologııasy jaryq kóredi. Bul týraly búgin QR Syrtqy ister mınıstrligindegi brıfıngte Qazaqstanyń Mysyrdaǵy Tótenshe jáne Ókiletti Elshisi Arman Isaǵalıev aıtty, dep habarlaıdy QazAqparat tilshisi.

«Jergilikti halyq arasynda Qazaqstanǵa qyzyǵýshylyqtyń týyndaýyna úlken septigin tıgizip otyrǵan «Rýhanı jańǵyrý» baǵdarlamasyn erekshe atap ótý qajet. Osy jyly atalǵan joba aıasynda birqatar is-sharalar uıymdastyrdyq. Atap aıtqanda, Іlııas Esenberlınniń «Kóshpendiler» trıologııasyn arab tiline aýdaryp, barlyq kitaphanalarǵa syıladyq. 2019 jyly Elshiliktiń demeýimen Qazaq poezııasy men prozasynyń arab tilindegi antologııasyn basyp shyǵaramyz jáne onyń barlyq arab elderine taralýyna yqpal jasaımyz», - dedi Elshi.

Sonymen qatar ol aǵymdaǵy jyldyń sáýirinde Aleksandrııa jáne Kaır qalalarynda álemge áıgili mýzykant Aıman Musaqojaevanyń basshylyǵymen «Qazaq» eli klassıkalyq kontserti ótkenin aıtty. Munan bólek, qazaq mýzykanttarynyń kontsertteri Mysyrdyń opera úıleri men teatrlarynda uıymdastyrylǵan. «Rýhanı jańǵyrý» baǵdarlamasy aıasynda kóptegen maqalalar jarııalanyp, derekti fılmder, suhbattar uıymdastyrylǵan.

«Qazirgi kezde «Qazaq handyǵy» telehıkaıasy arab tiline aýdarylyp, Mysyr telearnalarynda kórsetiletin bolady. Jalpy alǵanda, «Rýhanı jańǵyrý» baǵdarlamasy bizdiń elimizge degen qyzyǵýshylyqty odan ary arttyra tústi. Elimizge týrıster men ınvestorlardyń aǵylýyna septigin tıgizip jatyr», - dedi Arman Isaǵalıev.

Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT