Jańalyqtar  >
  Sport

Qazaq kúresinen álem chempıonaty: el namysyn kimder qorǵaıdy

2022 jylǵy 4 jeltoqsan, 21:51
Qazaq kúresinen álem chempıonaty: el namysyn kimder qorǵaıdy

ASTANA. QazAqparat – 12-14 jeltoqsan aralyǵynda elordadaǵy J. Úshkempirov atyndaǵy jekpe-jek saraıynda qazaq kúresinen álem chempıonaty ótedi. Bul týraly QazAqparat tilshisi Mádenıet jáne sport mınıstrligi Sport jáne dene shynyqtyrý isteri komıtetiniń baspasóz qyzmetine silteme jasap habarlaıdy.

Vedomstvo dereginshe, chempıonatqa álemniń 40 elinen 350 balýan qatysady.

«Ulttyq quramanyń ókilderi, «Dala Qyrany» tıtýlynyń ıegerleri álemdik dodada el namysyn qorǵaıdy. Olar – Bekjan Tólepov (55 kg), Marat Nıgmatýllaev (60 kg), Nur Amanshúkirov (66 kg), Jumajan Qojambekov (74 kg), Aıdyn Dartaev (82 kg), Toqtarbek Aıdarbek (90 kg), Muhıt Tursynov (100 kg) jáne Nurdáýlet Jarylǵapov (+100 kg)», - dep málim etti komıtettiń baspasóz qyzmetinen.

Aıta keteıik, bıylǵy saıys – 3 jas ereksheligin qamtıtyn alǵashqy Álem chempıonaty. Onda palýandar eresekter, jastar jáne jasóspirimder sanaty boıynsha beldesedi.


Uqsas jańalyqtar
Tegı:
Astana   Sport   Qazaq kúresi  
Seriktester jańalyqtary

Jańalyqtar