+7 (701) 759 90 19
USD 375.87 EUR 406.24
RUB 5.84 CNY 53.45
Jańalyqtar

Qazaq ıdeologııasynyń dińgegi Abaı bolýy kerek - Dana Nurjigit

2020 jylǵy 27 qańtar 22:12
Bólisińiz:
Qazaq ıdeologııasynyń dińgegi Abaı bolýy kerek - Dana Nurjigit

NUR-SULTAN. QazAqparat - «1995 jyly Abaıǵa bet burmasaq, Dımashtar týmas edi. Abaıdyń 175 jyldyǵyna oraı ótkizilgen sharalar kelesi urpaqqa jemisin beredi». Bul týraly Memleket basshysy Qasym-Jomart Toqaevtyń «Abaı jáne HHІ ǵasyrdaǵy Qazaqstan» maqalasyn taldaýǵa arnalǵan dóńgelek ústelde jýrnalıst, Qazaqstan Respýblıkasy Parlamenti Senatynyń depýtaty Dana Nurjigit aıtty, dep habarlaıdy QazAqparat tilshisi.

Uqsas jańalyqtar
SQO-da joǵary oqý ornyna jáne qazaq mektebine Abaı esimi beriledi Pavlodarlyq oqýshylar Abaı óleńderin 9 tilde jatqa oqydy Reseıdiń Esil qalasynda Abaı atyndaǵy qazaq tili synyby ashylady

«Prezıdent Abaıdyń 175 jyldyǵyn toı-tomalaqqa, naýqanshyldyqqa aınaldyrmaı, Abaıdy ózimizge jaqyndata túsý kerek ekenin aıtqanda men qatty oılandym. Rasymen de biz nege ýaqyt ótken saıyn, 20 jylda, 25 jylda Abaı atamyzǵa qaıtyp oralamyz? Qazaq úshin Abaı - ananyń jatyryndaı, týǵan aýylynyń qazyǵyndaı shyǵar dep oılaımyn. 1995 jyly Abaıdyń 150 jyldyǵy ótken kezde qazaqtyń ulttyq rýhy bir serpilgen. Biz ol kezde oqýymyzdy bitirip, Almatydaǵy Abaı kóshesiniń boıynda júrip kele jatyp uly kóshti kórgende, jazýly turǵan Abaıdyń aforızmge aınalǵan sózderin kórgende keremet sezimge bólendik. Sol kezde kontsert júrgizýshisi kelmeı qalyp, «Sen televızııada jumys istep jatyrsyń, sál de bolsa tájirıbeń bar» dep meni júrgizýshi etti. Aýyr júk kóliginiń kýzovyn ashyp, sahna jasap qoıypty. Sonyń ústine shyǵyp, kontsert júrgizdim. Sondaǵy alańda jınalǵan halyqtyń rýhyn kórgende Abaı atamyzdyń qazaqqa qaıtyp kelgenin kórgendeı boldym. Abaı aýylynyń uly kóshiniń HH ǵasyrǵa jetkenin kórdim. Endi, mine, HHІ ǵasyrǵa jetip otyrǵanyna kýá bolyp otyrmyn», - deıdi Dana Nurjigit.

Ol Abaıdyń 150 jyldyǵyn atap ótýdiń nátıjesi qandaı bolǵanyn aıtty.

«Abaıdyń 150 jyldyǵy týraly oılaǵan kezde Dımash Qudaıbergen esime túsedi. Ótken jyly jazda Dımashtan suhbat alyp otyryp «Abaıdyń 150 jyldyq mereıtoıy osyndaı Dımashtar dúnıege kelýi úshin jasalǵan» degen oıǵa keldim. Dımashtyń 10 jasynda bergen suhbatyn arhıvten taýyp alyp kórsettik. 10 jasar Dımash Abaıdyń qara sózderinen úzindi keltirip otyr. 1995 jyly Abaıǵa bet burmasaq, Dımashtaı bala týmas edi. Abaıdyń 175 jyldyǵyna oraı jasalǵan sharalar kelesi urpaqqa jemisin beredi. Men oǵan kámil senemin», - deıdi ol.

Sondaı-aq, Dana Nurjigit Abaı qazaq ıdeologııasynyń dińgegi bolýy kerektigin aıtty.

«Qytaılar óz ıdeologııasynyń dińgegi Konfýtsıı deıtin bolsa, biz de Abaıdy dál solaı qadirleýimiz kerek. Júregińniń túbine súńgip baryp aqıqatty bilý úshin alysqa barýdyń qajeti joq. Biz úshin ol aqıqat - Abaı. Abaı dúnıeden qarııa bolyp ketken joq. Ol ómiriniń bel ortasynda, 60 jasqa jeter-jetpes dúnıeden ozdy. Ol - halqyna sonshalyqty jaqyn bolǵan adam. Barlyq suraqqa jaýap Abaıdyń qara sózderi men poezııasynda tur», - deıdi Dana Nurjigit.


Bizdiń kanalymyzǵa jazylyńyz:

Basty sózder: Mádenıet, Ádebıet, #Abai175,
Bólisińiz:

Avtor:

Zarına Qaharman

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT