Qazaq balýany Qytaı chempıonatynda bas júldeni jeńip aldy

LANJOÝ. QazAqparat - Lanjoý qalasynda ótken 2019 jylǵy erkin kúres túrinen Qytaı chempıonatynda qazaq balýany Erlanbek Káteıuly taǵy da altyn medalǵa ıe boldy.Bul týraly Qytaıdyń CNR aqparattyq portaly habarlady.
Erlanbek Káteıuly erkin kúresten altyn medaldy jeńip aldy. Qytaıdaǵy balýandardyń kil myqtysyn anyqtaıtyn bul jolǵy respýlıkalyq baıraqty básekege 137 komandadan 1120 sportshy qatysqan. 9 kún boıy 10 túrli salmaq boıynsha baq synaǵan chempıonatta qandasymyz, Gansý ólkesiniń balýany Erlanbek Káteıuly 65 keli salmaǵynda bas júldeni enshilegen.
Erlanbek Káteıuly 2009 jyldan beri Qytaı chempıonattarynda jeńis tuǵyrynan túspeı kele jatqan balýan. Ol Qytaıdyń Altaı aımaǵyna qarasty Qyzyltas qalashyǵynda dúnıege kelgen. Ol 2010 jyly Qytaı birinshiliginde 65 keli salmaq dárejesi boıynsha chempıon atanǵan. 2014 jyly Ońtústik Koreıanyń Inchhon qalasynda ótken Azııa oıyndarynda qola medal ıelengen.
Aıta ketsek, Erlanbek Qytaıdaǵy qazaqtar arasynan Olımpıadaǵa joldama alǵan úshinshi qandasymyz. Oǵan deıin grek-rım kúresinen Álnur Tórgeuly, bokstan Qanat Islam Olımpıadada Qytaı atynan óner kórsetken bolatyn.
- Ústel tennısinen Qazaqstan chempıondary anyqtaldy
- QHL: Nıkıta Mıhaılıstiń úsh goly «Barysqa» jeńis áperdi
- Aýstralııa ashyq chempıonatyna kelgen 47 tennısshi karantınde jatyr
- «Kanelonyń» qýlyǵy áshkerelenip, odan Golovkınmen jekpe-jek ótkizý talap etildi
-
Alpınıster alǵash ret qysta Jerdiń eń bıik ekinshi shyńyn baǵyndyrdy
-
Hokkeı: «Barystyń» búgingi oıynyn qaıdan kórýge bolady
- Elbasy joldaýy
- Joldaý júktegen mindetter
- Qazaqstan tarıhy
- Álemdik BAQ Qazaqstan týraly
- Jańa ındýstrııalandyrý
- Bolashaqqa 100 qadam