+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Qazaq baǵbandary Nıderland tehnologııasyn qoldanyp, ónimdilikti 5 ese arttyra alady

2020 jylǵy 6 shilde 01:24
Bólisińiz:
Qazaq baǵbandary Nıderland tehnologııasyn qoldanyp, ónimdilikti 5 ese arttyra alady

NUR-SULTAN. QazAqparat - Qazaqstandyq baǵbandar nıderlandtyq tehnologııalardy qoldana otyryp, ónimdilikti 5 ese arttyra alady, dep habarlaıdy QazAqparat «Kazakh Invest» UK» AQ baspasóz qyzmetine silteme jasap.

Qazaqstanda jemis-jıdek sektoryn damytý úshin Nıderland úkimeti gollandııalyq kásipkerler tobymen birlesip, Qazaqstanda jańa tehnologııalardy engizýge baǵyttalǵan Dutch Fruit Solutions Kazakhstan kompanııasynyń jobasyn iske asyrýda.

Bıylǵy jyldyń ekinshi toqsanynda kompanııa ókilderi jobany iske asyrýdyń belsendi kezeńine kiristi, Nıderlandydan ákelingen almurt, qara órik, shıe, alma, qasqyrjem, kókjıdek, qaraqat jáne qulpynaı, barlyǵy 8 daqyl otyrǵyzyldy.

«Kazakh Invest» UK» AQ Qazaqstan Respýblıkasynyń aýmaǵyna jabdyqtardy jetkizýge jáne kedendik rásimderden ótýge baılanysty máselelerdi sheshýge kómek kórsetti. Esterińizge sala keteıik, ınvestıtsııa tartý boıynsha biryńǵaı operator ınvestorlarǵa 24/7 rejıminde kómek kórsetedi.

Dutch Fruit Solutions Kazakhstan jobasy Qazaqstandaǵy tıimdi jáne turaqty jemis-jıdek sektoryn damytýǵa járdemdesý úshin Nıderlandy Koroldiginiń Úkimeti jáne kompanııalar tobymen quryldy. Qazirgi ýaqytta konsortsıýmǵa 14 nıderlandyq kompanııa kiredi, olardyń árqaısysynda zamanaýı sheshimder men jańa tehnologııalar bar.

Dutch Fruit Solutions Kazakhstan Qazaqstannyń jemis-jıdek sektoryndaǵy ǵylymı-zertteý uıymdarymen yntymaqtastyq týraly kelisim jasasýǵa baǵyttalǵan, ol qatty, súıek jemisteri men jıdek daqyldaryn ósirý bóliginde qoldanystaǵy jemis sharýashylyǵy júıesin jańartýǵa jáne keńeıtýge baǵyttalǵan: vırýstarsyz otyrǵyzý materıaly, qarqyndy jemis baqtaryn jobalaý jáne iske asyrý. Joba ónimdi jınaý kezinde jáne odan keıingi qyzmetti ońtaılandyrýdy qamtıdy.

Jobanyń maqsaty - tamshylatyp sýarý tehnologııasy jáne joǵary tehnologııalyq jemis baǵy bar demonstratsııalyq aýmaqty qurý bolyp tabylady, onda Nıderlandtan baǵbandyq saladaǵy úzdik tehnologııalar kórsetiledi. Demonstratsııalyq aýmaqta otyrǵyzý materıaldaryn, alma, almurt, qara órik, órik, shıe kóshetterin ornalastyrý josparlanýda. Sondaı-aq, qaraqat, kógershin, qulpynaı jáne qasqyrjem bar ýchaskeler josparlanǵan. Budan basqa, Nıderlandy tarapy agrarııalardy zamanaýı otyrǵyzý materıaldarymen jáne óńdeý tehnologııalarymen qamtamasyz etedi, jınalǵan ónimdi Qazaqstannyń jemis-jıdek sektorynda saqtaýǵa jáne óńdeýge kómektesedi.

Bul sharalar jemis sharýashylyǵy ónimderiniń ónimdiligi men sapasyn arttyrýǵa, sondaı-aq onyń taǵamdyq qaýipsizdigin jaqsartýǵa múmkindik beredi. Dfsk konsortsıýmy aıasynda Nıderlandynyń jetekshi ýnıversıtetteri men ınstıtýttary V2V segmentinde ǵana emes, qazaqstandyq agrarlyq ınstıtýttarmen yntymaqtasatyn bolady. Bul tizbektegi úshinshi býyn – bul fıtosanıtarııa jáne karantındik ınspektsııalar boıynsha aýyl sharýashylyǵynyń túrli baǵyttary boıynsha memlekettik deńgeıdegi yntymaqtastyq.

2019 jyldyń qazan aıynda Qazaqstan Premer-Mınıstri Asqar Mamınniń Nıderland Koroldigine resmı sapary barysynda Nıderlandy Koroldiginiń Premer-Mınıstri Mark Rıýttemen kezdesý ótti. Kelissóz barysynda taraptar ekijaqty ınvestıtsııalyq jáne saýda-ekonomıkalyq yntymaqtastyqtyń perspektıvalaryn talqylady.

Sonymen qatar, QR Premer-mınıstri Asqar Mamın Qazaqstan-gollandııalyq bıznes-forýmyna qatysyp, Shell, BITFURY, SUEZ GROUP, Farm Frites, Dutch Fruit Solutions Kazakhstan kompanııalarymen kelissóz júrgizip, birqatar ınnovatsııalyq nysandardy aralady.

2019 jyly Nıderlandta Qazaq jemis-kókónis sharýashylyǵy ǵylymı-zertteý ınstıtýty (QazJKShǴZI) men Nıderlandtan kelgen seriktester - Dutch Fruit Solutions Kazakhstan arasynda ozyq tehnologııalardy qoldana otyryp, Talǵar aýdanynda ınstıtýt aýmaǵynda aýmaǵy 2 ga bolatyn demonstratsııalyq ýchaske qurý týraly kelisimge qol qoıyldy.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Úmbet Sholpan
Úmbet Sholpan
954-059

MURAǴAT