+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

Qazaq azamaty Qytaıda úzdik model atandy - Sheteldegi qazaq tildi BAQ-qa sholý

2019 jylǵy 10 tamyz 11:18
Bólisińiz:
Qazaq azamaty Qytaıda úzdik model atandy - Sheteldegi qazaq tildi BAQ-qa sholý

NUR-SULTAN. QazAqparat - «QazAqparat» HAA sheteldegi qazaq tilinde taraıtyn aqparat kózderine aptalyq sholýyn usynady.

Uqsas jańalyqtar
Beıjińde «Qytaıdyń bulbuly» atanǵan qazaq ánshisin eske alý sharasy ótti - Sheteldegi qazaq tildi BAQ-qa sholý Qytaıda turatyn qazaq qyzy halyqaralyq baıqaýǵa joldama aldy - Sheteldegi qazaq tildi BAQ-qa sholý Shapan kıip júrý uıat pa? - Óńirlik baspasózge sholý

Qazaq azamaty Qytaıda úzdik model atandy - Qytaıdyń «Ortalyq halyq radıosy» (CNR)


Qazirgi kúni álemde sán óneri qarqyndy damyp jatyr. Sondyqtan da osy salada jumys isteıtin boıshań ári symbatty modelderge degen suranys ta joǵary. Mine, osyndaı óner jolynda baǵyn synap júrgen seri jigitterdiń biri - Qytaıdyń úzdik modeli atanǵan qandasymyz Serjan Baǵdatuly, dep jazady Qytaılyq kazakcnr.com saıty.


Atalǵan derekkózdiń málimetinshe, Qytaıda turatyn qandasymyz Serjan Baǵdatuly 2018 jyly Qytaıdyń Kaıfyń qalasynda ótken memlekettik «Juldyzdy modelder» básekesine qatysqan. Qytaıdyń ár oblysynan saıdyń tasyndaı iriktelgen 60-qa jýyq qatysýshy arasynan symbatymen, dara ónerimen ozyp, Serjan bas júldeni qanjyǵalaǵan. Keskin-kelbetimen Qytaıdy tamsandyryp júrgen seri jigittiń boıy 191 sm.

«Serjan Baǵdatuly Shyńjań áskerı ınstıtýtynda bilim alǵan. Ol keıin Ýhan qalasyndaǵy joǵary oqý ornynda dene shynyqtyrý mamandyǵy boıynsha bilimin jetildirgen. Qajyrly eńbek, úzdiksiz talpynysynyń nátıjesinde Qytaıdyń úzdik modeli ataǵyna qol jetkizgen. Qazirgi kúni Serjan - Shyńjań sángerler (modelder) qoǵamynyń múshesi. Búginde ol Shyńjańdaǵy túrli modelder básekesinde qazylyq jasaıtyn, bilikti mamanǵa aınaldy. Sondaı-aq, áleýmettik jeliden jeke paraqsha ashyp, osy salaǵa beıimi bar jastarǵa úzdik model bolýdyń qyr-syryn da úıretip júr», - dep jazady CNR.



Baıyrǵy Ahlat qalasyndaǵy qazba jumystary kezinde «Oǵyzdardyń tańbasy» tabyldy - TRT


«Túrikterdiń Anatolyǵa kirer qaqpasy» dep tanylǵan Bıtlıstiń Ahlat aýdanyndaǵy Baıyrǵy Ahlat qalasynyń ishki qamalynda qazba jumystary barysynda «Oǵyzdyń tańbasy» tabyldy, dep jazady Túrkııa Radıo Televızııa portaly.

«Jyl saıyn kóp qonaq keletin aýdanda Baıyrǵy Ahlat qalasynyń ishki qamalynda qazba jumystary júrip jatyr. Harabeshehır aýmaǵyndaǵy úńgirlerdegi jartastardan Oǵyzdarǵa tán tańbalar anyqtaldy. Baıyrǵy Ahlat qalasyndaǵy qazba jumystarynyń ǵylymı jetekshisi Mehmet Kýlazdyń aıtýynsha, qamaldyń shyǵys jaǵyndaǵy kireberisinde eki munara tabylǵan. Olardyń arasyn jáne ústińgi bóligin zertteý kezinde oǵyzdardyń Anatolyǵa kelgenin dáleldeıtin ejelgi dáýir mekenderi men eskertkishter tabylǵan», - dep jazady TRT.


Tarbaǵataıda ótken aqyndar aıtysynyń júldegerleri anyqtaldy - Qytaıdyń «Ortalyq halyq radıosy» (CNR)


Tarbaǵataı aımaǵynyń Dórbiljin aýdany Qyzylbulaq jaılaýynda HHІІ kezekti aqyndar aıtysy jáne Mádenı-tanymdyq týrızm merekesi ótti, dep habarlaıdy qytaılyq kazakcnr.com saıty.

Aqparat kóziniń málimetinshe, aımaqtyq aqyndar aıtysy eki jylda bir ret ótkizilip keledi. Bıylǵy mádenı sharada 31 kıiz úı «70» sanyn bildiretin formada tigildi. Bul QHR-dyń 70 jyldyǵyna oraılastyrylyp otyr. Atalǵan is-sharada kontsert nómirlerimen qosa, at báıgesi, balýandar kúresi, velojarys syndy sporttyq oıyndar uıymdastyrylyp, qazaqtyń alýan túrli qolóner buıymdarynyń kórme-jármeńkesi ótti.


«QHR-dyń Tarbaǵataı aımaǵyna qarasty 6 aýdan men qalalarynan 20 aqyn qatysqan alaman aıtys óz máresine jetti. Aqyndar aıtysynyń bas júldesin Dórbiljin aýdanynyń aqyny Aıypqan Baımollauly men Shaǵantoǵaı aýdanynyń aqyny Gaýhar Nıǵymetqyzy jeńip aldy. Al Tarbaǵataı aımaǵynyń kelesi aqyndar aıtysy Sháýeshek qalasynda ótetin bolyp belgilenip, «aıtys týy» qala akimine tabystaldy», - dep jazady CNR.






Ózbekstanda shetel azamattary men azamattyǵy bolmaǵan adamdarǵa mártebe beriledi - «ÓzA» aqparattyq agenttigi


Ózbekstan Respýblıkasy Mınıstrler kabınetiniń «Qurmetti azamat» mártebesin berý tártibi týraly qaýlysy shyqty, dep habarlaıdy Ózbekstannyń «ÓzA» memlekettik aqparat agenttigi.

«Atalǵan qujatqa sáıkes, bul mártebe ekonomıka, ǵylym, mádenıet jáne óner, bilim, densaýlyq saqtaý, sonymen qatar áleýmettik salanyń damýyna úlken ınvestıtsııa salǵan, Ózbekstan Respýblıkasynda qaıyrymdylyqpen aınalysyp júrgen shetel azamattary men azamattyǵy joq tulǵalarǵa beriletin bolady. Mundaı qujatty Senat qabyldaıdy, arnaıy kýálikke Senat tóraǵasy qol qoıyp tapsyrady. Eger bul bastamaǵa memlekettik jáne ekonomıkalyq basqarý organdary qoldaý bildirse, onda ári qaraı sheshim Qaraqalpaqstan Respýblıkasynyń Joǵarǵy keńesinde, halyq depýtattarynyń oblystyq jáne Tashkent qalalyq keńesterinde qabyldanady. Bul mártebe Ózbekstan Respýblıkasynyń azamattyǵyn alý úshin negiz bolyp tabylmaıdy»,- dep habarlaıdy ÓzA.


Qazaq aýylynda Beıjiń Dene shynyqtyrý jáne sport ýnıversıtetiniń ortalyǵy ashyldy


Beıjiń Dene shynyqtyrý jáne sport ýnıversıteti men Qytaıdyń Fýtbol ınstıtýty birlesip Sanjy qalasynyń Ashyly aýylyndaǵy mektepte jastarǵa bilim beretin ortalyqtaryn ashty, dep jazady qytaılyq kazakcnr.com saıty.

Atalǵan BAQ-tyń habarlaýynsha, bul Beıjiń Dene shynyqtyrý jáne sport ýnıversıteti men Qytaı Fýtbol ınstıtýtynyń Shyńjańdaǵy aýyldyq jerde ashqan alǵashqy bilim ortalyǵy eken. Atalǵan joǵary oqý oryndary Shyńjań ólkesinde osyndaı 21 ortalyq ashýdy josparlaǵan.


«Ashyly qazaq ulttyq aýylyndaǵy bul ortalyqqa Beıjińdegi joǵary oqý orny bilikti mamandaryn jiberip otyrady. Olar aýylda turatyn fýtbolǵa beıimi bar talantty balalardy iriktep alyp, olarǵa sapaly bilim berýdi kózdep otyr. Mamandar dene shynyqtyrý sabaqtarymen qosa, aǵylshyn tilin, basqa da túrli pánderdi oqytpaq. Úzdikter mektep bitirgennen keıin birden joǵary oqý ornyna qabyldanady. Osy arqyly Beıjiń Dene shynyqtyrý jáne sport ýnıversıteti men Qytaı Fýtbol ınstıtýty bolashaq stýdentterin mektep qabyrǵasynan tárbıelep, sapaly túlekterdi daıarlap shyǵýǵa nıettenip otyr. Osylaısha atalǵan oqý oryndary el namysyn qorǵaıtyn keleshek fýtbol juldyzdaryn talantty aýyl balalarynyń arasynan izdep júr», - dep jazady kazakcnr.com saıty.



Qazaqstanda taǵy bir úlken munaı óńdeý zaýytynyń qurylysy bastaldy - «Fars» aqparat agenttigi


Qazaqstannyń Batys Qazaqstan oblysynda taǵy bir úlken munaı óńdeý zaýytynyń qurylysy bastaldy, dep jazady parstoday aqparat agenttigi.

Fars aqparat agenttiginiń habarlaýynsha, bul zaýytty salý quny 420 mln dollar dep eseptelgen. Zaýytty salýǵa Qazaqstan úkimeti tarapynan 59,8 ga jer bólingen. Kásiporynda avtomobıl benzıni, dızel otyny, kerosın jáne bıtým óndiriledi.

Zaýyt 2021 jyly iske qosylady dep josparlanýda. Zaýytty salý úshin 500 jumys orny, al zaýyt jumys isteı bastaǵan soń 200 jumys orny ashylady.

Sondaı-aq, munaı óńdeý zaýyty jylyna 750 myń tonna munaı ónimderin, sonyń ishinde benzın, dızel men otynnyń basqa túrlerin óndiretin bolady.

Jospar boıynsha, bul zaýyt ónimderiniń 80 paıyzy el ishinde, 20 paıyzy TMD elderine eksporttalady.



Bizdiń kanalymyzǵa jazylyńyz:

Basty sózder: Qandastar, BAQ,
Bólisińiz:

Avtor:

Baqytjol Kákesh

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT