+7 (701) 759 90 19
USD 439.01 EUR 474.61
RUB 5.75 CNY 61.91
Jańalyqtar

Qazaq ádebıeti antologııalary 93 memlekettiń iri kitaphanalary men ǵylymı ortalyqtaryna taratylady

2020 jylǵy 14 aqpan 12:02
Bólisińiz:
Qazaq ádebıeti antologııalary 93 memlekettiń iri kitaphanalary men ǵylymı ortalyqtaryna taratylady

ALMATY. QazAqparat – Álemniń 6 tiline aýdarylǵan qazaq ádebıeti antologııalary 120 myń danamen basylyp shyqty. «Jahandaǵy zamanaýı qazaqstandyq mádenıet» jobasy aıasynda aýdarylǵan antologııalar endi sheteldegi iri kitaphanalarǵa taralatyn bolady, dep habarlaıdy QazAqparat tilshisi.

Uqsas jańalyqtar
Kórisý merekesiniń tárbıelik mán-mańyzy da erekshe – tarıhshy Saıalbek Ǵızzatov BUU Hatshylyǵy qashyqtyqtan jumys isteý rejımine kóshti

Saltanatty sharaǵa QR Memleket hatshysy Qyrymbek Kósherbaev, QR Mádenıet jáne sport mınıstri Aqtoty Raıymqulova, Almaty ákimi Baqytjan Saǵyntaev qatysty.

«Bul jobany uıymdastyrý jáne úılestirý júıesi de burynǵydan ózgeshe boldy. Ondaǵy basty maqsat kórkem aýdarmanyń joǵary sapasyn qamtamasyz etý bolatyn. Ol úshin eń aldymen jobany júzege asyrýǵa 6 eldegi kórkem aýdarma salasynda tájirıbesi mol, bedeldi degen baspalar tańdaldy. 60 avtordyń úzdik týyndylary engen antologııalar dúnıejúziniń 5 qurlyǵyndaǵy 93 memlekettiń iri kitaphanalary men irgeli oqý oryndaryna, mádenıet pen ádebıetke mamandanǵan ǵylymı ortalyqtaryna taratylady»,- dedi QR Memlekettik hatshysy Qyrymbek Kósherbaev.

Jıyn barysynda Almaty qalasynyń ákimi Baqytjan Saǵyntaev ta sóz sóılep, pikir bildirdi.

«Qundylyqtar almasyp, zamanalar ózgerip jatsa da eshqashan eskirmeıtin, óziniń mán-maǵynasyn joǵaltpaıtyn qasıetti uǵymdar men sondaı máńgilik taqyryptardy kórkem beıneleıtin týyndylar bolady. Ondaı shyǵarmalar óz dáýiriniń shyndyǵyn sıpattap qana qoımaı, bolashaq urpaqqa jaqsylyq pen jamandyq, izgilik pen zulymdyq týrasynda tereńinen syr shertedi. Mine, sol sebepti de mundaı týyndylar eshqashan ólmeıdi jáne olardy ómirge ákelgen avtorlardyń esimderi de eldiń jadynda máńgi saqtalyp qalady. Qazaq degen ult bar jerde bul tabıǵı úderis eshqashan toqtap qalmaq emes. «Halyq – talant qaınary» deıtin danalyqtyń syry da osynda. Biz búgin zamanaýı qazaq ádebıetiniń baǵyt-baǵdaryn, áleýetin anyq kórsetetin – «Qazirgi qazaq prozasynyń antologııasy» jáne «Qazirgi qazaq poezııasynyń antologııasy» atty kitaptardyń tusaýyn kesip, olarǵa úlken ómirge joldama bermekpiz. QR Tuńǵysh Prezıdenti – Elbasy N.Á. Nazarbaevtyń «Bolashaqqa baǵdar – Rýhanı jańǵyrý» baǵdarlamasy kópshiliktiń kóńilinen shyqqan, mádenıetimizdiń órkendeýine tyń serpin bergen rýhanı ómirimizdegi aıtýly oqıǵa boldy. Sonyń bir salasy «Jahandaǵy zamanaýı qazaqstandyq mádenıet» jobasy aıasynda jasalǵan bul kitaptarmen tanystyrý elimiz boıynsha Almaty qalasynda alǵash ret uıymdastyrylyp otyr. Bul eńbekterdi – Elbasy ıdeıasynyń júzege asýy jáne talantty qazaq qalamgerleriniń eren jeńisi dep baǵalasaq oryndy bolmaq»,- dedi qala ákimi Baqytjan Saǵyntaev.

Eske salaıyq, byltyr osy «Qazirgi qazaq prozasynyń antologııasy» jáne «Qazirgi qazaq poezııasynyń antologııasynyń» súıinshi danasy shyǵyp, sheteldik keıbir kitaphanalarǵa berildi.

Ótken jyly sırek týyndy tek sheteldik sanaýly aýdıtorııaǵa jetkizilse, búgin 2 jyl boıy atqarylǵan jumys qorytyndylanyp ár antologııa 10 myń danadan basylyp shyqty. Sóıtip jalpy sany 120 myń jınaq álemdegi 23 myń kitaphana, ǵylymı ortalyqtarǵa jiberilýge daıyn. Osylaısha jalpy sany 2 mıllıard 600 mıllıon halyq qazirgi qazaq ádebıetiniń jaýharlarymen tanysýǵa múmkindik alady. Aǵylshyn tilindegi kitaptar - álemniń 17 memleketine, arab tilindegi kitaptar Taıaý Shyǵys pen Afrıkadaǵy 22 elge, ıspan tilindegi aýdarma - álemniń 20 eline, qytaı tilindegi kitaptar 1,5 mlrd halqy bar Qytaı aýdıtorııasyna, orys tilindegi antologııa 14 elge, frantsýz tilindegi kitaptar Eýropa men Afrıkanyń 17 eliniń iri oqý oryndaryna, kitaphanalary men ǵylymı ortalyqtaryna jetkiziledi.

Eske salaıyq, zamanaýı qazaq ádebıetiniń úzdik úlgilerin BUU 6 tiline aýdarý jobasy «Jahandaǵy zamanaýı qazaqstandyq mádenıet» jobasy aıasynda júzege asyrylýda.

«Jahandaǵy zamanaýı qazaqstandyq mádenıet» jobasy aıasynda qazirgi qazaq ádebıetiniń qos antologııasy aýdarylyp, jaryq kórdi. Olar – «Qazirgi qazaq prozasynyń antologııasy» jáne «Qazirgi qazaq poezııasynyń antologııasy». Ár antologııanyń kólemi – shamamen 500 betteı, árqaısysyna qazaqstandyq 30 avtordyń tańdamaly shyǵarmalary endi. Kitaptardyń aǵylshyn tilindegi aýdarmasy byltyr 25 qyrkúıek kúni – Brıtanııada, ıspan tilindegi nusqasy 27 qyrkúıekte – Ispanııada, orys tilindegi antologııa 15 qazanda Reseıde tanystyryldy.



Bizdiń kanalymyzǵa jazylyńyz:

Bólisińiz:

Avtor:

Gúlmıra Ǵosmanálı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT