«Kazahstanskıı» uıymdasqan qylmystyq tobynyń jetekshileri ustaldy
2022 jylǵy 7 aqpan 19:30

«Kazahstanskıı» uıymdasqan qylmystyq tobynyń jetekshileri ustaldy

NUR-SULTAN. QazAqparat – «Kazahstanskıı» uıymdasqan qylmystyq tobynyń jetekshileri ustaldy. Bul týraly QR Bas prokýratýrasy Arnaıy prokýrorlar qyzmetiniń bastyǵy Rızabek Ojarov aıtty, dep habarlaıdy QazAqparat tilshisi.

«Kópshiliktiń qoıatyn basty suraqtary, osynyń barlyǵynyń artynda kim tur? Uıymdastyrýshylar kim? Tergeý bul suraqtarǵa mindetti túrde jaýap beredi.

Qazir biz beıbit mıtıngilerdi ártúrli kúshter paıdalanǵanyn bilemiz. Áreketterdiń úılestirilgeni anyq. Negizinde, bizdiń memleketimiz «gıbrıdti» shabýylǵa da tap boldy. Uıymdastyrýshylar óz josparlaryna destrýktıvti jáne qylmystyq toptardy tartty. Olarǵa qarý berip, is-áreketterin úılestirip otyrǵan. Qazirgi tańda uıymdasqan qylmystyń toptyń 18 múshesi ustaldy. Adam óltirý, urlyq, tonaý jáne qaraqshylyq jasaǵany úshin buryn sotty bolǵan 21 tulǵa ustaldy»,- dedi Rızabek Ojarov Ortalyq kommýnıkatsııalar qyzmetindegi brıfıng barysynda.

Sonymen qatar ol kúni keshe ǵana Almaty oblysynyń Eńbekshiqazaq aýdanynda Ulttyq qaýipsizdik qyzmetkerleri «Kazahstanskıı» uıymdasqan qylmystyq tobynyń jetekshilerin ustaǵanyn atap ótti.

«Olardan oq-dárimen birge 15 atys qarýy tárkilendi. Qazir olardyń basqa da ashylmaǵan qylmystarǵa qatystylyǵy tekserilýde», - dedi Bas prokýratýra ókili.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT