Qaıyrymdylyq jasaǵan kezde balalardy sýretke túsirip, jelige jarııalamaǵan jón - mınıstrlik
2022 jylǵy 10 tamyz 18:56

Qaıyrymdylyq jasaǵan kezde balalardy sýretke túsirip, jelige jarııalamaǵan jón - mınıstrlik

NUR-SULTAN. QazAqparat – QR Oqý-aǵartý mınıstrligi jańa oqý jyly qarsańynda qaıyrymdylyq jasap, mektep oqýshylaryna kómek kórsetkisi keletin azamattarǵa ótinish bildirdi, dep habarlaıdy QazAqparat tilshisi.

«Qaıyrymdylyq jarııaǵa jar salmaı jasalýy kerek. Sosyn kómek kórsetken jaǵdaıda balalardy fotoǵa túsirýdiń qajeti joq. 5 balaǵa kómek kórsetip, bylaı da bylaı fotoǵa túsirip, onymen qoımaı áleýmettik jelige salatyndar bar. Ondaı qaıyrymdylyqtyń barynan joǵy. Sebebi qaıyrymdylyq jasaýdyń da jaýapkershiligi bar. Ata-ananyń ruqsatynsyz balany sýretke túsirýge bolmaıdy. Bul bir jaǵynan balaǵa psıhologııalyq soqqy bolýy múmkin», - dedi QR Oqý-aǵartý mınıstrligi balalardyń quqyǵyn qorǵaý komıteti tóraǵasynyń orynbasary Dýlat Jekebaev «Oqu-ağartu LIVE» jobasynyń efırinde.

Onyń aıtýynsha, bala kómekti kimnen, qaıdan alyp jatqanyn bilý mindetti emes.

Sondaı-aq, mınıstrlik ókili keltirgen málimetke sáıkes «Mektepke jol» aktsııasy aıasynda elimiz boıynsha sońǵy 10 jyldyń ishinde 4 mln-nan astam balaǵa kómek kórsetildi.

«Atalǵan kórsetkishtiń odan da kóp ekenine senimdimiz. Sebebi keıbir qaıyrymdy jandar kómek kórsetkeni týraly jarııalap, aıtpaýyn surap jatady. ıAǵnı ol azamattar balalarǵa jaqsylyǵyn jasap, biraq ol týraly esh jerde aıtpaıdy», - deıdi ol.

Buǵan deıin habarlaǵanymyzdaı, balasyn mektepke kıindirýge qarjylaı kómek alǵan ata-analar chek kórsetip, esep berýge tıis.


Seriktester jańalyqtary

Jańalyqtar

Úrdis

MURAǴAT