+7 (701) 759 90 19
USD 419.54 EUR 509.2
RUB 5.72 CNY 64.81
Jańalyqtar

Qaıyrymdylyq týraly zańǵa ózgerister engizý josparlanyp otyr – Madııar Qojahmet

2020 jylǵy 26 qarasha 11:52
Bólisińiz:
Qaıyrymdylyq týraly zańǵa ózgerister engizý josparlanyp otyr – Madııar Qojahmet

NUR-SULTAN. QazAqparat – Elordada IX Azamattyq forým aıasynda Donorlar forýmy bastaldy, dep habarlaıdy QazAqparat tilshisi.

Donorlar forýmynyń mıssııasy – elde donorlyq jáne qaıyrymdylyq qyzmetti júzege asyrý úshin qolaıly orta qurýǵa járdemdesý, azamattyq qoǵamnyń áleýetin damytý.

«Qazir biz úkimettik emes uıymdardyń qyzyǵýshylyǵyn týdyratyn ózekti jobalar men tásilderdi qalyptastyrý máselelerin talqylaýdy kózdep otyrmyz. Sondaı-aq donorlardyń maqsattary men demeýshiligi boıynsha ne kútetinin bilgimiz keledi. Eń negizgi mindet – biryńǵaı tásilderdi ázirleý jáne osy saladaǵy qyzmettiń belgili bir deńgeıde ashyqtyǵyn qamtamasyz etý, óıtkeni qazir áleýmettik jobalardy bıýdjettik qarjylandyrýdan basqa, azamattyq bastamalardy qoldaý boıynsha iri kásiporyndardyń, bıznes-qoǵamdastyqtardyń, halyqaralyq ÚEU-nyń úlken tolqynyn kórip otyrmyz. Bul baǵytta barlyq toptyń teńdeı qatysýyn qamtamasyz etý úshin osyndaı forýmdar qajet. Bul jıyn eń aldymen demeýshilerdiń ne kútip otyrǵanyn jáne ÚEU-lardyń tájirıbesin aıtýǵa, jańa tásilder shyǵarýǵa kómektesedi», - dedi QR Aqparat jáne qoǵamdyq damý mınıstrligi Azamattyq qoǵam isteri komıtetiniń tóraǵasy Madııar Qojahmet Qazmedıa ortalyǵynda tilshilerge bergen suhbatynda.

Sonymen birge, komıtet basshysy bıylǵy pandemııada donorlyq jumystyń jarqyn mysaly kórsetilgenin atap ótti.

«2020 jyldy jarqyn mysal retinde erekshe aıtýǵa bolady. Pandemııa kezinde «Birgemiz» qorynan bastap, kóptegen ÚEU-lar men iri bıznester azyq-túlik paketinen bastap túrli kómek retinde mıllıonnan astam halyqqa kómek kórsetti. 30 qyrkúıekte Memleket basshysy qaıyrymdylyq uıymdarynyń basshylarymen kezdesý ótkizdi jáne birqatar tapsyrma berdi. Osy bastamalar aıasynda «Qaıyrymdylyq týraly zańǵa» ózgerister men tolyqtyrýlar engizýdi talqylap jatyrmyz. Dálirek aıtqanda, salyqtyq jeńildikter berip, qaıyrymdylyq uıymdarynyń biryńǵaı bazasyn jasaý josparlanǵan», - dep túsindirdi M. Qojahmet.

Sóz sońynda spıker elimizdegi donorlyq mádenıettiń qalyptasýy týraly pikir bildirdi.

«Bizdegi donorlyq mádenıet týraly aıtar bolsam, eki másele eriksiz qozǵalady. Onyń birinshisi — halyqtyń 90 paıyzy mundaı qaıyrymdy iske jaqyn. Meshitterde, jekelegen oryndarda qaıyrymdylyq isteri jıi kórinis taýyp jatady. Al ekinshi jaǵynan úlken uıymdar arqyly jasalyp jatqan donorlyq qyzmet áli damı qoıǵan joq. Eń bastysy halyqtyń donorlyqqa degen kózqarasy, nıeti túzý. Al ony bir izge túsirip, álsiz tustaryn jetildirip, ortaq standarttarǵa qoıý bizdiń basty maqsatymyz bolyp otyr. Forým barysynda osy máselelerdi jan-jaqty talqylaıtyn bolamyz», — deıdi ol.

Aıta keteıik, forýmdy QR Aqparat jáne qoǵamdyq damý mınıstrliginiń qoldaýymen Azamattyq bastamalardy qoldaý ortalyǵy uıymdastyrǵan.

Forým qorytyndysy boıynsha Qazaqstannyń IX Azamattyq forýmynyń qarar jobasyna usynystar men usynymdar ázirlenetin bolady.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT