Qaıyrymdylyq maqsatta jasalǵan mobıldi aýdarymdar kásipkerlik tabysqa jatpaıdy
2022 jylǵy 15 sáýir 16:15

Qaıyrymdylyq maqsatta jasalǵan mobıldi aýdarymdar kásipkerlik tabysqa jatpaıdy

NUR-SULTAN. QazAqparat – QR Qarjy mınıstrligi Memlekettik kirister komıteti memlekettik qyzmetter departamenti memlettik qyzmetter basqarmasynyń basshysy Vladlen Balan qaıyrymdylyq maqsatpen jasalǵan mobıldi aqsha aýdarymdaryna qatysty túsinikteme berdi, dep habarlaıdy QazAqparat tilshisi.

«Negizi qaıyrymdylyq maqsattaǵy aýdarymdar arnaıy shottar arqyly ótýi kerek. Eger qaıyrymdylyq qor aqsha jınap jatqan bolsa zańdy tulǵanyń atyna shot ashý kerek. Aqsha sonda túsýi kerek», - dedi Memlekettik kirister komıtetiniń basqarma basshysy.

Onyń aıtýynsha, qıyndyqqa tap bolǵan ata-ana balasynyń emine aqsha jınasa nemese tabıǵı apat saldarynan úısiz qalǵan adam jeke tulǵa retinde ashqan bank shotyna qaıyrymdylyq aýdarymdar qabyldaǵan bolsa, tekseýrge jatatyn ólshemshartqa enýi múmkin.

Biraq tekserý kezinde bank ókilderine nemese keıin salyq organdaryna mán-jaıdy túsindirip, kásipkerlik qyzmetten kiris tabý emes ekenin dáleldeýine múmkindik bar.

«Naýqasqa aqsha jınaǵan bolsa, medıtsınalyq qujattary bolady. Al úısiz qalǵan bolsa, ol týraly da akt jasaýǵa bolady. Aqshanyń emdelýge nemese basyna túsken qıyndyqtyń saldaryn joıýǵa jumsalǵanyn túbirtekter arqyly dáleldeýge de bolady. Sondyqtan bul turǵyda másele týyndamaýy kerek», - dedi Vladlen Balan.

Komıtet ókili túrli kýrstar men onlaın sabaqtar ótkizip, aqysyn mobıldi aýdarymdar arqyly jınaıtyn blogerlerdiń qashan baqylaýǵa alynatynyn aıtty.

«Bloger óz qyzmetin jaıdan-jaı iske asyryp júrgen joq. Іs júsiznde olar kásipkerlikqyzmetpen aınalsyp júr. Sondyqtan olar daózgekásipkerler sııaqty kásipker retinde tirkelýi kerek. Eger kásipker retinde tirkelmesten mobıldi aýdarym arqyy tólem qabyldap kelse, qyzmetin zańdy jolmen skeasyrýǵa kóshikerek. ıAǵnı, kásipker retinde tirkelip, tıisti salyǵyn tóleýi qajet. Qazir bizde kásipkerlikpen tirkelmeı aınalysqany úshin áýeli eskertý jasalady. Soǵan qaramastan tirkelmegen kúıi kásipkerlikpen júıeli túrdeaınalyssa, salyq tqlep, tikerýlge yntalandyratyn sharalardy qabyldaımyz», - dedi basqarma basshysy.

Aıta keteıik, kásipkerler men zańdytulǵalardyń basshylaryna, quryltaıshylaryna, olardyń jubaılaryna tıesili bank shottary mobıldi aýdarymdar boıynsha 2024 jyldan bastap baqylaýǵa alynady .


Jańalyqtar

Úrdis

MURAǴAT