Qaıyrymdy jandardyń kómegimen túrkistandyq eki otbasy baspanaly boldy
2022 jylǵy 28 naýryz 01:01

Qaıyrymdy jandardyń kómegimen túrkistandyq eki otbasy baspanaly boldy

TÚRKІSTAN. QazAqparat - Qaıyrymdy jandardyń kómegimen túrkistandyq eki otbasy baspanaly boldy, dep habarlaıdy QazAqparat tilshisi.

27 naýryz kúni Túrkistan qalasyndaǵy «Saýran» turǵyndar alabynda Naýryz merekesi toılandy.

Myńǵa jýyq turǵyn qatysyp, naýryz kójeden dám tatty.

Merekelik sharada «Qareket» qaıyrymdylyq qory men «Saýran» móltek aýdany turǵyndarynyń demeýshiligimen eki otbasyǵa baspana kilti tabystaldy.

Jıynda áýezdi án shyrqalyp, ulttyq salt-dástúrler dáripteldi. Qazaqsha kúres, qol kúres oıyndary uıymdastyrylyp júldeli syılyqtar berildi.

Sonymen qatar, myqtylar buqa kóterý men kir tasyn kóterýden kúshterin synady.

Aıta keteıik, keshegi kúni Túrkistan qalasynyń «Bekzat» móltekaýdanynda Naýryz merekesi toılanyp, turǵyndardyń demeýshiligimen kópbalaly anaǵa tórt bólmeli úıdiń kilti berilgen edi.

Uqsas jańalyqtar

Jańalyqtar

Úrdis

MURAǴAT