+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Qaıyrymdy jandar Shardara aýdanyndaǵy 12 otbasyǵa baspana syılady

2020 jylǵy 13 tamyz 22:30
Bólisińiz:
Qaıyrymdy jandar Shardara aýdanyndaǵy 12 otbasyǵa baspana syılady

ShARDARA. QazAqparat – Túrkistan oblysynyń ákimi Ómirzaq Shókeevtiń bastamasymen qolǵa alynǵan «Qamqorlyq» baǵdarlamasy aıasynda Shardara aýdanynda 12 otbasy baspanaly boldy. Jergilikti kásipkerler men demeýshilerdiń arqasynda turǵyn úıge qol jetkizgen januıalarǵa aýdan ákimdigi jan-jaqty qoldaý kórsetip keledi, dep habarlaıdy QazAqparat tilshisi.

Uqsas jańalyqtar

Aýdan turǵyndarynyń biri Danııar Nysanbaev týǵannan múgedektiktiń zardabyn tartyp keledi. Jýyrda aýdan ákimdiginiń uıymdastyrýymen «Shardara» mektep-lıtseıiniń túlekteri I top múgedegi men 3 balanyń ákesine qala ortalyǵynan baspana tartý etti. Jyldar boıy jaldamaly páterde turyp kelgen muqtaj otbasy búginde jańa úılerine qonystanǵan. Olardyń jaǵdaıymen tanysýǵa aýdan ákiminiń orynbasary B. Shompıev pen qala ákimi E.Beket, aýdandyq ortalyq meshitiniń bas ımamy A.Qasym jáne aýdandyq múgedekter qoǵamynyń basshysy Q.Ernazarovtar baryp, otaǵasymen kezdesip qaıtty. Turmysy tómen januıaǵa qoldaý kórsetip, turmystyq tehnıka men tósenishter syıǵa tartty. Qamkóńil jandardyń qýanyshymen bólisip, taǵy da basqa qajettilikterine kómektesetindikterin aıtyp ótti.

Aýdan ákimdiginiń málimetinshe, jyl sońyna deıin atalǵan baǵdarlama aıasynda taǵy da 3 turǵyn úıdi tapsyrý josparlanǵan. Sonymen qatar shalǵaı aýdanynda memleket tarapynan tórtqabatty 40 páterli 2 turǵyn úı kesheniniń qurylysy aıaqtalýda. ıAǵnı jyl sońyna deıin úı kezeginde turǵan 80 otbasy baspanaly bolady dep kútilýde. Búgingi tańda Shardara aýdanynda ataýly áleýmettik kómek alatyn az qamtamasyz etilgen 1713 otbasy bolsa, onyń ishinde baspanasy joq turǵyn úıge muqtaj 12 turmysy tómen kópbalaly jáne múmkindigi shekteýli otbasylar baspanamen qamtamasyz etilip otyr.

«Aýdanda «Qamqorlyq» baǵdarlamasy aıasynda ómirlik qıyn jaǵdaıǵa tap bolǵan, qala, aýyldyq okrýgterden anyqtalǵan 58 otbasyǵa demeýshiler esebinen 2 599,2 myń teńgeniń áleýmettik kómegi kórsetildi. Sondaı-aq, 58 otbasynyń eńbekke jaramdy 24 múshesi jumyspen qamtylǵan. Jalpy somasy 25,7 mln teńgege demeýshiler esebinen 6 otbasyǵa turǵyn úı berildi. Aýdan boıynsha «Altyn alqa» jáne «Kúmis alqa» ıegerlerine, «Batyr analar» men kópbalaly analarǵa, jaǵdaıy tómen otbasylarǵa jergilikti ákimdik tarapynan únemi kómek kórsetilip keledi»,- deıdi Shardara aýdany ákiminiń orynbasary B. Shompıev.


Bizdiń kanalymyzǵa jazylyńyz:

Bólisińiz:

Avtor:

Aınur Aqbaeva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT