+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Qaıyrbek Óskenbaev 2019 jyldaǵy baspana qurylysynyń jospary týraly aıtty

2019 jylǵy 17 mamyr 15:10
Bólisińiz:
Qaıyrbek Óskenbaev 2019 jyldaǵy baspana qurylysynyń jospary týraly aıtty

NUR-SULTAN. QazAqparat - AEF-2019 paneldik sessııasynda Indýstrııa jáne ınfraqurylymdyq damý birinshi vıtse-mınıstri Qaıyrbek Óskenbaev turǵyn úı qurylysy boıynsha josparmen bólisti, dep habarlaıdy QazAqparat tilshisi.

Baspana qurylysy kólemi boıynsha eleýli ósim bolǵanyna toqtalǵan ol «Eger de ótken jyly 12,1 mln sharshy metr jospar (12,5 mln sharshy metr salyndy) bolsa, bıyl 13 mln sharshy metr salýdy kózdep otyrmyz. Osy oraıda jospar asyra oryndalady dep oılaımyn, ıaǵnı 8-10 paıyz deńgeıinde merziminen buryn oryndap jatyrmyz», - dedi.

Sonymen qatar jeke turǵyn úı qurylysyna eleýli kóńil bólinip jatqanyn da atap ótti.

«Qazaqstanda jeke turǵyn úı qurylysy aıasynda aýqymdy baǵdarlama ázirlendi. Osy rette ınjenerlik kommýnıkatsııalardy tartý jolymen qurylysty yntalandyramyz. Memleket óz júıesi boıynsha barlyq ınjenerlik kommýnıkatsııalardy júrgizip, el azamattaryna ózderine jeke úı salýǵa múmkindik beriledi. Qazirgi kezde jalpy qurylys kóleminde shamamen 35-40 paıyzy jeke turǵyn úıge tıesili. Bul baǵyt mańyzdy bolǵandyqtan, ony ary qaraı damytýǵa nıettimiz», - dedi vedomstvo ókili.

Q. Óskenbaev áleýmettik az qamtylǵan azamattar úshin baspana salý máselesi týraly aıta kele: «Tabysy tómen azamattar úshin memleket tarapynan satyp alý quqynsyz jalǵa beriletin úıler salynýda. Al jalǵa beriletin úıde turǵysy kelmeıtinder úshin arnaıy baǵdarlama bar, ıaǵnı jyldyq 2 paıyz mólshermen 20 jylǵa eseptelgen. Ony bıyl maýsymdy iske qosýdy josparlap otyrmyz. Meniń oıymsha, osy baǵdarlama el azamattary tarapynan oń baǵalanatyn bolady», - dedi.

Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT