Qaırat Satybaldyuly 2 aı merzimge qamaldy
2022 jylǵy 15 naýryz 10:52

Qaırat Satybaldyuly 2 aı merzimge qamaldy

NUR-SULTAN. QazAqparat – Elorda soty kúdikti Qaırat Satybaldyulyn qamaýda ustaýǵa qatysty sheshim qabyldady, dep habarlaıdy QazAqparat tilshisi.

«2022 jylǵy 15 naýryzda Nur-Sultan qalasynyń mamandandyrylǵan aýdanaralyq tergeý soty kúdikti Q.Satybaldyulyna qatysty 2 aı merzimge kúzetpen ustaý túrindegi bultartpaý sharasyn sanktsııalady», - delingen taratylǵan málimette.

Sonymen qatar, qylmystyq protsestik kodekstiń 201 babyna sáıkes, sotqa deıingi tergep-tekserýdiń basqa derekterin jarııa etýge jol berilmeıtini aıtylǵan.

Budan buryn habarlanǵandaı, Sybaılas jemqorlyqqa qarsy qyzmet laýazymdyq ókilettikterin asyra paıdalaný jáne «Qazaqtelekom» AQ-nyń qarajatyn asa iri kólemde urlaý faktileri boıynsha qylmystyq isti tergeýde.

Atalǵan qylmystardy jasady degen kúdikpen Qaırat Satybaldyuly ustalyp, ýaqytsha ustaý ızolıatoryna qamaldy.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT