+7 (701) 759 90 19
USD 412.55 EUR 465.73
RUB 5.79 CNY 58.91
Jańalyqtar

Qaırat Kelimbetov «Astana» men «Dýbaı» qarjy ortalyqtarynyń uqsastyǵy týraly aıtty

2020 jylǵy 29 qańtar 01:57
Bólisińiz:
Qaırat Kelimbetov «Astana» men «Dýbaı» qarjy ortalyqtarynyń uqsastyǵy týraly aıtty

DÝBAI. QazAqparat – «Astana» halyqaralyq qarjy ortalyǵynyń basqarýshysy Qaırat Kelimbetov Memleket basshysy Qasym-Jomart Toqaevtyń Birikken Arab Ámirlikterine resmı saparynyń qorytyndysy týraly aıtty, dep habarlaıdy QazAqparat tilshisi.

Prezıdentpen birge qazaqstandyq delegatsııa Dýbaıdyń Halyqaralyq qarjy ortalyǵyna barǵan edi.

«Bul sapar barysynda Dýbaıda jumys jasaıtyn Taıaý Shyǵys aımaǵyndaǵy kóptegen kompanııalar QR Úkimetiniń jalpy 40 mlrd AQSh dollary kóleminde usynǵan kelisimsharttar aıasynda jumys isteýge nıetti ekendikterin bildirdi. Alaıda olar kelisimshartta kórsetilgen tolyq somaǵa emes, keıbir jobalarǵa qyzyǵýshylyq tanytty. Olar Qazaqstanda jumys isteýge daıyn», -dedi Qaırat Kelimbetov jýrnalısterdiń suraǵyna jaýap berip.

Sondaı-aq, AHQO basqarýshysy Memleket basshysy osy eldiń bıznesmenderimen kezdesýi barysynda olarǵa AHQO alańy arqyly jumys jasaýdy usynǵanyn atap ótti.

«Meniń oıymsha, bul óte jaqsy bastama, biz olarǵa óz platformamyzdy usyna alamyz. Dýbaı ınvestorlary ózderiniń qarjy ortalyqtarynyń qalaı jumys isteıtinin jaqsy biledi jáne ol múmkindikti bizden de paıdalana alady. Halyqaralyq qarjy ortalyǵynan basqa, munda túrli taýarlarmen, máselen almazben, altynmen, munaı men gaz sııaqty taýarlarmen saýda jasaýǵa arnalǵan iri platforma bar. Ortalyq Azııa óńirinde osyndaı úlgide saýda jasaý alańyn qurý úshin biz kúsh-jigerimizdi biriktirý qajettilikteri aıtylýda. Dýbaı Úkimeti Azııany basqa qurlyqtarmen, Afrıkamen, Latyn Amerıkasymen baılanystyratyn Jibek joly aımaǵy úshin osyndaı onlaın-hab qurý týraly úlken bastamame kóterýde. Óz kezegimizde biz de Dýbaı men Ortalyq Azııa aımaqtary arasynda ózara tıimdi qarym-qatynas ornatqymyz keledi», - dep tolyqtyrdy ol.

Eske sala ketsek, 27 qańtarda Memleket basshysy Qasym-Jomart Toqaev Birikken Arab Ámirlikterine resmı saparmen keldi.
Sapar aıasynda QR Prezıdenti Ábý-Dabıdiń murager hanzadasy sheıh Muhammed ben Zaıd Ál Nahaıanmen kezdesti.
Kezdesýde Memleket basshysy dıplomatııalyq qarym-qatynas ornaǵan 28 jyldyń ishinde Nur-Sultan men Ábý-Dabı yntymaqtastyqty bekemdeı otyryp, ashyq ári mazmudy dıalog ornatqanyn málim etti.Sondaı-aq, Qasym-Jomart Toqaev Ábý-Dabıdegi sheıh Zaıd meshitine bardy.
Sonymen qatar, búgin Qasym-Jomart Toqaev Dýbaıda ótetin «EXPO-2020» kórmesine daıyndyq barysymen tanysty.




Bizdiń kanalymyzǵa jazylyńyz:

Bólisińiz:

Avtor:

Saıagúl Jarylqasyn

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059

MURAǴAT