Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 378.17 EUR 429.11
RUB 5.88 CNY 56.48
Jańalyqtar

Qaırat Ábdirahmanov Qazaqstannyń Sırııa kelissózderindegi róli týraly aıtty

2018 jylǵy 23 mamyr 12:37 568
Bólisińiz:
Qaırat Ábdirahmanov Qazaqstannyń Sırııa kelissózderindegi róli týraly aıtty

ALMATY. QazAqparat - Almatyda Eýrazııalyq medıa forým barysynda QR Syrtqy ister mınıstri Qaırat Ábdirahmanov Sırııa daǵdarysyn retteýdegi Astana protsesiniń róli týraly aıtty, dep habarlaıdy QazAqparat tilshisi.

Mınıstr Astana protsesiniń birigeıligi retinde kelissózderge Reseı, Iran, Túrkııa sııaqty múddeli elderdiń qatysyp jatqanyn atap ótti.

«Nursultan Nazarbaevtyń tóraǵalyǵymen Astana protsesi múddeli taraptarmen qatar Sırııalyq oppozıtsııany da qabyldap, olardyń arasynda kelisim júrgizýge tyrysyp jatyr. Bul taraptardyń kózqarastary bir-birine qarama-qaıshy. Astana protsesi kezinde oppozıtsııalyq tarap zaldan shyǵyp ketkenin de aıtýǵa bolady. Keıin olar Nursultan Nazarbaevty qurmettegendikten jáne Qazaqstannyń osy protsestegi ashyq ári aıqyn beıtaraptyǵy úshin ǵana zalǵa kiretindigin málim etti», - dedi Q.Ábdirahmanov.

Astanada jasalǵan kelisim Sırııa daǵdarysyn sheshýge, shıelenis jalynyn aazaıtýǵa baǵyttalǵan.

Onyń aıtýynsha, bul Qazaqstannyń Eýropa men Azııa arasyndaǵy altyn kópir ekendigin dáleldese kerek.

«Qazir álemde qandaı jaǵdaıdy kórip otyrmyz? Elderdiń arasyndaǵy saıası, áskerı, ekonomıkalyq báseke beleń alyp barady. Bizdi halyqaralyq dıplomatııalyq mádenıettiń toqyrap bara jatqandyǵy alańdatady. Soǵan qaramastan Qazaqstan dostyq pen birliktiń, yntymaqtastyqtyń úlgisin kórsetip otyr», - dedi Qaırat Ábdirahmanov.

Aıta ketý kerek, Almatyda Ortalyq Azııadaǵy táýelsiz dıalog alańy atalǵan Eýrazııa medıa forýmyna 60-tan astam elden 500 delegat qatysýda. Alqaly jıynda sarapshylar men saıasatkerler, ekonomıster men qoǵamdyq pikir ıeleri Qazaqstannyń, Eýrazııanyń, jalpy álemdik qaýymdastyqtyń ekonomıkalyq, geosaıası, mádenı-áleýmettik máselelerin talqylaıdy. Forýmnyń alǵashqy kúni sheberlik dáristerinen bastaldy.

Qaırat Ábdirahmanov Qazaqstannyń Sırııa kelissózderindegi róli týraly aıtty 

EAMF jumysyna 1 500-den astam bedeldi BAQ, olardyń arasynda Euronews, CNN, BBC, Assosiated press, New York Times, Bloomberg, ITAR TASS ókilderi atsalysty.

Sharanyń ashylý saltanatynda QR Aqparat jáne komýnıkatsııalar mınıstri Dáýren Abaev medıaforýmǵa qatysýshylarǵa Elbasynyń úndeýhatyn oqyp berdi.

Bizdiń kanalymyzǵa jazylyńyz:

Basty sózder: Almaty, BAQ, Astana protsesi, QR SІM,
Bólisińiz:

Avtor:

Gúlmıra Ǵosmanálı

Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
MURAǴAT