+7 (701) 759 90 19
USD 425.95 EUR 495.12
RUB 6 CNY 66.6
Jańalyqtar

Qaı óńirler Ózbekstan azamattaryn jumysqa kóbirek tartady

2021 jylǵy 17 qyrkúıek 14:18
Bólisińiz:
Qaı óńirler Ózbekstan azamattaryn jumysqa kóbirek tartady

NUR-SULTAN. QazAqparat – Byltyr elge shaqyrylǵan sheteldik jumysshylardyń kóbi Qytaı, Túrkııa jáne Úndistan elderinen kelgen, dep habarlaıdy QazAqparat tilshisi.

Uqsas jańalyqtar
ShQO-da sheteldikterdi úılerine zańsyz turǵyzǵan 72 adam jaýapqa tartyldy 340 sheteldik azamat Almaty aýmaǵynda zańsyz júrgen

Bul týraly «Eńbek resýrstaryn damytý ortalyǵynyń» strategııa jáne jobalyq basqarý departamentiniń dırektory Aleksandra Molchanovskaıa málim etti.

«Ózbekstannan keletin mamandar negizinen qurylys jáne aýyl sharýashylyǵy salasyndaǵy jumystarǵa tartylady. Sondyqtan olardy maýsymdyq mıgranttar deýge de bolady. Óńirler arasynda ózbekstandyq jumysshylardy Shyǵys Qazaqstan, Atyraý jáne Batys Qazaqstan oblystary kóbirek shaqyrady. Statıstıkaǵa súıensek, jeke tulǵalar 2020 jyly 310 myń shetel azamatyn jumysshy retinde elge alǵyzǵan», - deıdi sarapshy.

Onyń aıtýyna qaraǵanda, mundaı tendentsııa áli de jalǵasady.

«Eldegi qurylys kompanııalary da, aýyl sharýashylyǵyndaǵy kásiporyndar da biliktiligi tómen sheteldikterdi aldyrady. Olar tóleıtin aılyqqa qazaqstandyq jumysshylar jaldanǵysy kelmeıdi. Óıtkeni jumys aýyr, aılyq tómen bolyp otyr. Bul tendentsııa áli de jalǵasatyn túri bar», - dedi ortalyqtyń departament dırektory.

Resmı statıstıka boıynsha, 2020 jyly Qazaqstanǵa 14 myń sheteldik jumysshy kvotamen tartyldy.

«Bul - 2019 jylǵy kórsetkishten 1,9 myń adamǵa az. Byltyr el aýmaǵynda 104 eldiń azamaty eńbek etken. Ásirese Qytaı, Túrıkııa jáne Úndistannan kóp kelgen. Sheteldik jumysshylardy tartý kórsetkishi boıynsha Atyraý oblysy alda tur. Shetelden tartylǵan jumysshylardyń 40 paıyzy osy oblysta eńbek etken. Sheteldik eńbek mıgranttarynyń 45 paıyzy qurylysta jumys istedi. Olardyń 69 paıyzy - joǵary bilikti, 26 paıyzy - ortasha bilikti bolǵan. Ásirese ınjenerlerge suranys joǵary», - dedi Aleksandra Molchanovskaıa.


Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT