+7 (701) 759 90 19
USD 425.05 EUR 509.29
RUB 5.58 CNY 64.66
Jańalyqtar

Qaı óńirde avtobýs júrgizýshileri eń kóp ereje buzady

2020 jylǵy 25 qazan 22:26
Bólisińiz:
Qaı óńirde avtobýs júrgizýshileri eń kóp ereje buzady

NUR-SULTAN. QazAqparat – Úsh kúnde avtobýs júrgizýshileri jol erejesin 10 myńǵa jýyq ret buzǵan, dep habarlaıdy QazAqparat tilshisi.

QR Іshki ister mınıstrligi el aýmaǵynda «Avtobýs» jedel aldyn alý sharasyn ótkizip jatyr.

«Jedel aldyn alý is-sharasyna polıtsııa qyzmetkerlerimen birge kóliktik baqylaý, tótenshe jaǵdaı organdarynyń qyzmetkerleri, qoǵam ókilderi qatysty. Úsh kúndik reıd barysynda avtobýs júrgizýshileri jasaǵan jol qozǵalysy erejelerin buzýdyń 10 myńǵa jýyq jaǵdaıy anyqtaldy. Olardyń eń kóbi Túrkistan (1063), Qaraǵandy (794), Almaty (775), Pavlodar (715), Shyǵys Qazaqstan (708) jáne Mańǵystaý (704) oblystarynda, sondaı-aq Almaty (744) men Nur-Sultan (702) qalalarynda anyqtaldy», - delingen Polisia.kz saıtyndaǵy málimette.

Sonymen qatar, polıtseıler mas kúıinde jolaýshylar kóligin basqarýdyń 15 faktisiniń jolyn kesti. Barlyq júrgizýshiler kólik júrgizý quqyǵynan aıyrylatyn bolady.

Budan basqa, eńbek jáne demalys rejımin buzýdyń 43 faktisi, saqtandyrý zańnamasyn buza otyryp kólikti basqarýdyń 264 faktisi, tehnıkalyq baıqaýdan ótpegen jáne zańsyz qaıta jabdyqtalǵan 1 myńnan astam avtobýs, jyldamdyqty arttyrýdyń 300-ge jýyq faktisi anyqtaldy. Jolaýshylardy tasymaldaý kezinde 1700-den astam avtobýs júrgizýshisi telefondy paıdalanǵan, sondaı-aq 114-i jolaýshylardy zańsyz tasymaldaǵan.

Zań buzýshylyqtary bar avtobýstardy jolǵa shyǵarǵany úshin avtobýs parkteri basshylarynyń qatarynan 126 laýazymdy adam ákimshilik jaýapkershilikke tartyldy. Al jekelegen jaǵdaılarda jolaýshylardy tasymaldaýǵa arnalǵan sharttardy buza otyryp, lıtsenzııalardyń qoldanylýy toqtatyldy.

377 zańsyz qaıta jabdyqtalǵan avtobýs, sondaı-aq paıdalanýǵa tyıym salynǵan tehnıkalyq jaı-kúıi qaýipsizdik talaptaryna sáıkes kelmeıtin kólik quraldary anyqtaldy.

292 kólik quraly aıyp turaǵyna qoıyldy. Jedel aldyn alý is-sharasy barysynda polıtsııa jáne TJM qyzmetkerleri avtobýstardyń aldaǵy qys kezinde paıdalanýǵa sáıkestigin tekserdi.

Jalpy, bıyldyń toǵyz aıyndaǵy derekter boıynsha avtobýs júrgizýshileriniń kinásinen bolǵan jol-kólik oqıǵalarynyń sany 39 paıyzǵa tómendegen.


Bizdiń kanalymyzǵa jazylyńyz:

#QR ІІM  
Bólisińiz:

Avtor:

Rýslan Ǵabbasov

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT