Qaı aımaqtar turǵyn úıdi paıdalanýǵa berý qarqynyn baıaýlatyp aldy
2022 jylǵy 5 shilde 10:50

Qaı aımaqtar turǵyn úıdi paıdalanýǵa berý qarqynyn baıaýlatyp aldy

NUR-SULTAN. QazAqparat – Úkimet otyrysynda QR Indýstrııa jáne ınfraqurylymdyq damý mınıstri Qaıyrbek Óskenbaev turǵyn úı berý qarqynyn baıaýlatqan óńirlerdi atady, dep habarlaıdy QazAqparat tilshisi.

«Jyldyń 5 aıyndaǵy qorytyndy boıynsha turǵyn úıdi paıdalanýǵa berý kólemi 103,4% jáne turǵyn úı qurylysyna ınvestıtsııa 122,8% oryndaldy. 38 myń turǵyn úı paıdalanýǵa engizildi», - degen vedomstvo basshysy jalpy respýblıkalyq kórsetkishke qol jetkizý úshin óńirlerge tıisti jospar joldanǵanyn aıtty.

«Ol jospardyń oryndalýyn qamtamasyz etý úshin ákimdikter naqty nysandar men olardy iske asyrý merzimi kórsetilgen jol kartasyn bekitti. Sonymen birge 5 aıdyń qorytyndysy boıynsha elimizdiń 3 óńirinde ótken jylmen salystyrǵanda turǵyn úıdi paıdalanýǵa berý kórsetkishiniń tómendegeni baıqalady. Bul – Mańǵystaý (84,4%), Pavlodar (90,7%) jáne Soltústik Qazaqstan (94%) oblystary. Atalǵan oblystarda ákimdikterge turǵyn úı nysandaryndaǵy qurylys jumysyn jandandyrý qajettigin atap ótemin», - dedi Qaıyrbek Óskenbaev.

Aıta keteıik, Úkimet otyrysynda Premer-Mınıstr arendalyq turǵyn úıdi satyp alýdaǵy zańnama qaıshylyǵyn sheshýdi tapsyrdy.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT