+7 (701) 759 90 19
USD 385.55 EUR 426.57
RUB 6.05 CNY 54.77
Jańalyqtar

Qaýipti óndiristik nysandarda adam ólimi 1,7 ese artyp otyr - vıtse-mınıstr

2019 jylǵy 7 qarasha 11:44
Bólisińiz:
Qaýipti óndiristik nysandarda adam ólimi 1,7 ese artyp otyr - vıtse-mınıstr

NUR-SULTAN. QazAqparat - 2019 jyldyń 9 aıynda elimizdiń qaýipti óndiristik nysandarynda 10 adam qaza tapty. Bul týraly QR Indýstrııa jáne ınfraqurylymdyq damý vıtse-mınıstri Erjan Amanııazov aıtty, dep habarlaıdy QazAqparat tilshisi.

Uqsas jańalyqtar
Óndiristik baqylaý qyzmetiniń laýazymdy tulǵalarynyń ókilettikteri keńeıtilmek Jambylda aýyl moldasy kórshisin pyshaqtap óltirip, ózi asylyp qalǵan Adam óltirip qashyp júrgen Túrkistan oblysynyń turǵyny Máskeýde ustaldy

«Ónerkásiptik qaýipsizdik salasyndaǵy memlekettik qadaǵalaý júıesi qaýipti óndiristik nysandardy qaýipsiz paıdalanýdy qamtamasyz etýge baǵyttalǵan. Búgingi tańda mınıstrlik 211 myńnan astam qaýipti óndiristik nysandy qamtıtyn 8 myńnan astam ónerkásip kásiporynyn qadalaǵaýda. Negizinen bul - jer asty kenishteri men kómir shahtalary, karerler men razrezder, metallýrgııalyq-hımııalyq jáne munaı óńdeý zaýyttary, atom ónerkásibi nysandary, magıstraldyq qubyrlar jáne taǵy da basqalary», - dedi Májiliste «Qazaqstan Respýblıkasynyń keıbir zańnamalyq aktilerine ónerkásip qaýipsizdigi máseleleri jónindegi ózgerister men tolyqtyrýlar engizý týraly» zań jobasyn tanystyrǵan vıtse-mınıstr.

Onyń atap ótýinshe, ónerkásiptik qaýipsizdiktiń negizgi maqsaty – qaýipti óndiristik nysandardaǵy apattar, oqys oqıǵalar kezinde týyndaıtyn qaýipti óndiristik faktilerdiń personalǵa, halyqqa, qorshaǵan ortaǵa zııandy áseriniń aldyn alý.

«Bul rette adam densaýlyǵy men ómirine tikeleı qaýip-qaterlermen ushtasqan sezimtal salalardaǵy memlekettik qyzmetterdi qysqartýdy qosa alǵanda bızneske arnalǵan talaptardy qysqartý jáne ónerkásiptik qaýipsizdik salasyndaǵy memlekettik retteýdi álsiretý jónindegi sharalar óndiristegi tártip deńgeıin tómendetýge jáne apattar saldarynan jaraqattanýdyń ósýine alǵyshart jasady. Osy jyldyń 9 aıynda respýblıkanyń óndiristik qaýipti nysandarynda 24 apat boldy. Al 2018 jyly 27 apat bolǵan. Apat kezinde 18 adam zardap shekti. Onyń ishinde 10 adam qaza tapty. 2018 jyly 6 ólimi tirkelgen. Bul rette ókinishke oraı ólim ósimi 1,7 ese bolyp otyr», - dedi Erjan Amanııazov.

Osy oraıda vıtse-mınıstr ónerkásip nysandaryndaǵy apattardyń oryn alýynyń naqty sebepterin atady.

«Apattardyń negizgi sebepterine toqtalsam, birinshi - normatıvtik qyzmet merzimi ótken, tozyǵy jetken jabdyqtardy paıdalaný. Ekinshi - ónerkásiptik qaýipsizdik talaptary men qaǵıdalaryn buzý. Úshinshi - tómen óndiristik baqylaý nemese onyń bolmaýy jáne jumys personalynyń tómen biliktiligi. Osyǵan baılanysty negizgi maqsatty iske asyrý úshin jáne QR Úkimetiniń 2019 jylǵa aralǵan josparynyń 2-tarmaǵyna sáıkes mınıstrlik ónerkásiptik qaýipsizdik máseleleri boıynsha zań jobasyn ázirledi», - dedi ol.

Onyń atap ótýinshe, zań jobasy ónerkásiptik qaýipsizdik salasyndaǵy zańnama normalaryn jetildirý, qaýipti nysandarda ónerkásiptik qaýipsizdik salasyndaǵy memlekettik qadaǵalaýdy júzege asyrýdyń tıimdiligin arttyrýǵa, ónerkásiptik qaýipsizdik salasynda jumys isteýge tartylatyn attestattalǵan jáne apattyq-qutqarý jumystaryn júrgizý boıynsha qyzmet kórsetetin uıymdardyń qyzmetin retteýge, qoldanystaǵy zańnamadaǵy zańnamalyq olqylyqtar men kollızııalardy joıýǵa baǵyttalǵan.

Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT