+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

Katonqaraǵaı ulttyq tabıǵı parkinde qustyń 300-ge jýyq túri mekendeıdi

2021 jylǵy 2 tamyz 17:58
Bólisińiz:
Katonqaraǵaı ulttyq tabıǵı parkinde qustyń 300-ge jýyq túri mekendeıdi

ÓSKEMEN. QazAqparat – Shyǵys Qazaqstan oblysyndaǵy Katonqaraǵaı ulttyq tabıǵı parkine 20 jyl toldy. Osyǵan oraı, Óskemende erekshe qorǵalatyn tabıǵı aımaqtan ákelingen biregeı fotosýretterdiń kórmesi ótýde, dep habarlaıdy QazAqparat tilshisi.

«Katonqaraǵaı memlekettik ulttyq tabıǵı parkiniń jıyrma jyldyǵy galereıasy» fotokórmesin Katonqaraǵaı memlekettik ulttyq tabıǵı parki men A.S. Pýshkın atyndaǵy oblystyq kitaphanasynyń qyzmetkerleri birlesip daıyndady.

Kórmede parktiń ǵylym, ekologııalyq monıtorıng jáne aqparat bóliminiń qyzmetkerleri daıyndaǵan 100 fotojumys usynyldy.

Sýretter arqyly flora men faýnanyń qorǵalatyn nysandaryn kórýge jáne tanysýǵa bolady.

Dala jumystary barysynda túsirilgen fotosýrettermen qatar, Altaı jotalarynyń bıik taýly bóliginde ornatylǵan fototuzaqtar jasaǵan kadrlar da usynylǵan.

Uıymdastyrýshylardyń aıtýynsha, kórme Katonqaraǵaı saıabaǵynyń 20 jyldyǵyna jáne Qazaqstan Respýblıkasy Táýelsizdiginiń 30 jyldyǵyna arnalǵan.

«Katonqaraǵaı memlekettik ulttyq tabıǵı parki 2001 jyly quryldy. Qazaqstandaǵy eń iri erekshe qorǵalatyn tabıǵı aýmaq. Munda Kókkól sarqyramasy, «Rahman qaınarlary« jylý kózderi, Berel qorǵandary, Uly Jibek jolynyń soltústik tarmaǵy jáne 643 myń gektardan astam ásem tabıǵat aýmaǵynda shoǵyrlanǵan basqa da kóptegen kórikti jerler bar. Óńirde qustardyń 300 túri, ósimdikterdiń myń túri jáne sútqorektilerdiń, baýyrymen jorǵalaýshylardyń, qosmekendiler men balyqtardyń júzden astam túri bar, – deıdi Katonqaraǵaı MUTP bas dırektorynyń orynbasary Raýshan Qyryqbaeva.

Kórmede usynylǵan sýretter Katonqaraǵaı parkiniń san alýandyǵyn kórsetedi. Muztaý shyńdarynan bastap Ýkoka jazyǵyna deıin pash etedi. Onda qar barysy, tyrnalar, altaı ulary jáne kóptegen basqa janýarlar mekendeıdi.

Aıta keteıik, «Katonqaraǵaı memlekettik ulttyq tabıǵı parkiniń jıyrma jyldyq galereıasy« fotokórmesi Pýshkın atyndaǵy oblystyq kitaphanada bir aı boıy jalǵasady.


Bizdiń kanalymyzǵa jazylyńyz:

Bólisińiz:

Avtor:

Talǵatjan Muhametbekuly

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059

MURAǴAT