+7 (701) 759 90 19
USD 419.69 EUR 510.89
RUB 5.63 CNY 64.82
Jańalyqtar

Katardan kelgen gýmanıtarlyq kómek qalaı taratylady – «SK-Farmatsııa» jaýaby

2020 jylǵy 9 shilde 12:25
Bólisińiz:
Katardan kelgen gýmanıtarlyq kómek qalaı taratylady – «SK-Farmatsııa» jaýaby

NUR-SULTAN. QazAqparat – «SK-Farmatsııa» kompanııasy Katardan kelgen gýmanıtarlyq kómekke baılanysty áleýmettik jelide taraǵan aqparatqa túsinik berdi, dep habarlaıdy QazAqparat tilshisi.

Naqtyraq aıtqanda, 8 jáne 9 shilde kúni áleýmettik jelilerde dárihanalarǵa Katardan kelgen ( boljam boıynsha) gýmanıtarlyq kómek taýarlary túsip jatqany týraly aqparat taraǵan edi. Sonymen birge áleýjeli qoldanýshylary gýmanıtarlyq kómek nelikten uzaq ýaqyt boıy halyqqa jetpeı jatqanyna qatysty narazylyqtyryn bildirdi. Sebebi ol jaqtan gýmanıtarlyq kómek 21 mamyrda jetkizilip qoıǵan bolatyn.

«Tótenshe jaǵdaı kezinde Qazaqstanǵa AQSh, Qytaı, Ońtústik Koreıa, Japonııa, Túrkııa, Úndistan, BAÁ jáne Pákistannan gýmanıtarlyq kómek keldi. Eń iri qazaqstandyq (Abdi Ibrahim, Qazatomónerkásip, Bayer Qazaqstan, «Tehnologııa Qazaqstan» JShS, «A.N.P.» JShS, «ABMG Expert» JShS), sonymen qatar álemdik kompanııalar (Alibaba Foundation, Sandoz, AstraZeneka (Ýsı) Treıdıng Ko., Ltd., UNISO, Miniso, China Construction Bank, Abdi Ibrahim Turkey) Qazaqstanǵa koronavırýs ınfektsııasymen kúresý úshin gýmanıtarlyq kómek jiberdi. Kelip túsken barlyq kómekti KVI-men kúreske jumyldyrylǵan medıtsınalyq uıymdarǵa Densaýlyq saqtaý basqarmalary taratty», - delingen «SK-Farmatsııa» habarlamasynda.

Kompanııa sonymen qatar 11 mamyrda tótenshe jaǵdaı aıaqtalyp, gýmanıtarlyq kómekti taratý qyzmetin júrgizetin operatordyń da jumysy toqtaǵanyn málimdedi.

«Katardan gýmanıtarlyq kómek Qazaqstanǵa 2020 jyldyń 21 mamyrynda keldi. Osy ýaqytta tótenshe jaǵdaıdyń aıaqtalýyna baılanysty «SK-Farmatsııa» JShS-nyń gýmanıtarlyq kómekti taratý jónindegi operator retindegi fýnktsııalary aıaqtaldy. Sonymen qatar Katardan jetkizilgen medıtsınalyq buıymdarmen birge kelýi tıis qujattar, taýardyń sapasyn rastaıtyn qujattar, medıtsınalyq buıymdardy birrettik kirgizý týraly mindetti ruqsat berýshi qujattar bolmady. Onsyz elde medıtsınalyq buıymdardy paıdalanýǵa bolmaıdy», - delingen kompanııa aqparatynda.

Sonymen birge «SK-Farmatsııa» JShS tıisti qujattardy jetkizý boıynsha QR SІM-men jumys júrgizip jatqanyn habarlaıdy.

«Medıtsınalyq buıymdardy birrettik ákelý boıynsha ruqsat qaǵazy 2020 jyldyń 20 maýsymynda ǵana jetkizildi. 4 shildede QR Densaýlyq saqtaý mınıstriniń buıryǵymen «SK-Farmatsııa» JShS gýmanıtarlyq kómekti alý boıynsha operator retinde taǵy aıqyndaldy. Tıisti qujattardyń bári qolǵa túskennen keıin gýmanıtarlyq kómek sheńberinde ákelingen medıtsınalyq buıymdardyń bári de óńirlerge teń dárejede taratyldy. Qazirgi ýaqytta ol buıymdar Biryńǵaı dıstrıbıýtordyń qoımasynda jatyr. Ol buıymdardy dál qazir Densaýlyq saqtaý basqarmalaryna joldaý úshin tıeı berýge bolady», - delingen habarlamada.

Dári-dármek pen medıtsınalyq buıymdardy saqtaý qoımalary vıdeobaqylaý kameralarymen jabdyqtalǵan. Medıtsınalyq uıymdar qabyldar aldynda taýarlardy tekserip, kelgen qujatymen qaıta tekserip, jaýapty adamdar qoldaryn qoıady.

Qazaqstanǵa Katardan kelgen gýmanıtarlyq kómek aıasynda kelesi medıtsınalyq buıymdar jetkizilgen:

- 22 myń dana birrettik qorǵanys maskasy;

- N95 medıtsınalyq qorǵanys maskalary - 67 myń dana.;

- ólshemi175h95 mm bolatyn bir ret qoldanylatyn maska - 74 myń dana.;

- ólshemi 17,5 sm h 9,5 sm bolatyn hırýrgııalyq maska - 20 myń dana.;

- N95 medıtsınalyq qorǵanys maskasy - 2500 dana;

- bir ret paıdalanylatyn medıtsınalyq LONNY maskasy - 39 825 dana;

- ólshemi 17,5sm h 9,5sm bolatyn sanıtarlyq qorǵanys maskasy 119 918 dana;

- ólshemi 17,5h9,5 sm bolatyn, betke arnalǵan maska - 96 myń dana;

- bir ret paıdalanylatyn, betke arnalǵan maska - 3 900 dana;

- 9 350 dana kóleminde plastıkalyq maska;

- ólshemi 330h220 mm bolatyn plastıkalyq maska - 2 880 dana;

- ólshemi 175 (L) bolatyn arnaıy kostıým - 560 dana.;

- ólshemi 18 dıýımdik qorǵanys kostıými (XXL) - 40 dana;

- medıtsınalyq qorǵanys kostıými (birrettik 170, 175, 180 sm) - 2760 dana;

- hırýrgııalyq kostıým (L) - 32 600 dana;

- 29 990 dana OBAOLAY qorǵanys kózildirigi.

Kompanııa sonymen birge qazaqstandyq kásipkerlerdiń qarjylaı kómek túrindegi gýmanıtarlyq kómegi «Birgemiz» qoryna túskenin habarlady.



Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT