Jańalyqtar  >
  Sport

Qatar-2022: Portýgalııa quramasy Ýrýgvaıdy jeńe ala ma

2022 jylǵy 28 qarasha, 13:40
Qatar-2022: Portýgalııa quramasy Ýrýgvaıdy jeńe ala ma

ASTANA. QazAqparat - Qatarda ótip jatqan fýtboldan 2022 jylǵy álem chempıonatynda 28 qarashada H tobynda ekinshi týr oıyndary ótedi, dep habarlaıdy QazAqparat tilshisi.

Atalǵan toptaǵy Ońtústik Koreıa jáne Gana kezdesýi elorda ýaqytymen 19:00-de «Qazaqstan» jáne «Qazsport» telearnalarynan tikeleı efırde kórsetiledi.

Kezdesý Er-Raııan qalasyndaǵy 44 667 jankúıerge arnalǵan «Edıýkeıshn Sıtı» stadıonynda ótkiziledi.

Bas tóreshi - anglııalyq Entonı Teılor. Oǵan otandastary Garı Besvık pen Adam Nann kómekshilik jasaıdy. Qosalqy tóreshi - perýlik Kevın Ortega.

Eki qurama buǵan deıin eki márte kezdesti. 2011 jyly ótken joldastyq kezdesýde Ońtústik Koreıa 2:1 esebimen jeńse, 2014 jyly Gana quramasy 4:0 esebimen basym tústi.

Bul toptaǵy Portýgalııa men Ýrýgvaı kezdesýi elorda ýaqytymen 1.00-de «Qazsport» telearnasynan tikeleı efırde kórsetiledi.

Kezdesý Lýsaıl qalasyndaǵy 88966 jankúıerge arnalǵan «Lýsaıl Aıkonık» stadıonynda ótkiziledi. Bas tóreshi - ırandyq Alıreza Faganı.

Eki qurama buǵan deıin úsh márte sheberlik baıqasty. Quramalar bir-bir márteden jeńiske jetse, bir kezdesý teń nátıjemen aıaqtaldy.

Aıta ketsek, 28 qarashada G tobynda ekinshi týr oıyndary ótedi.


Foto: Sports.kz

Uqsas jańalyqtar
Seriktester jańalyqtary

Jańalyqtar