+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Qatań karantın: QR ІІM basshysy qazaqstandyqtarǵa málimdeme jasady

2020 jylǵy 3 shilde 21:13
Bólisińiz:
Qatań karantın: QR ІІM basshysy qazaqstandyqtarǵa málimdeme jasady

NUR-SULTAN. QazAqparat – QR Іshki ister mınıstri Erlan Turǵymbaev elimizde engiziletin qatań karantın sharalaryna baılanysty qazaqstandyqtarǵa málimdeme jasady, dep habarlaıdy QazAqparat Polisia.kz saıtyna silteme jasap.

«Qurmetti otandastar! Koronavırýs ınfektsııasynyń taralýyna baılanysty Memlekettik komıssııa 5 shildeden bastap eki aptalyq ishinara shekteý engizý týraly sheshim qabyldady. Bul shekteýler arqyly jekelegen shaǵyn jáne orta bıznes sanattarynyń qyzmetin toqtatý, qoǵamdyq kólikterdiń jumysyn jáne adamdar kóp baratyn jerlerde azamattardyń jınalýyn shekteý, sondaı-aq buqaralyq is-sharalar ótkizýge tyıym salý qarastyrylǵan. Munyń bári ınfektsııanyń taralýyna jol bermeý úshin jasalady.

Kásiporyndar, azyq-túlik dúkenderi, dárihanalar, bankter jáne qysqartylǵan keste boıynsha HQO-lar jumys isteıtin bolady.

Bizdiń azamattarymyz qazaqstandyqtardyń ómiri men densaýlyǵyn saqtaýǵa baǵyttalǵan sanıtarlyq jáne aldyn alý sharalaryn qatań saqtaıtynyna senimdimin.

Osy kezeńde ishki ister organdary qyzmet ótkerýdiń erekshe rejımine kóshiriletin bolady. Osyǵan baılanysty, Іshki ister mınıstrligi azamattardy áleýmettik qashyqtyq pen maska rejımin saqtaýǵa, kóp adam shaqyrylatyn is-sharalar ótkizbeýge jáne ózderiniń baılanystaryn azaıtýǵa shaqyrady», - dedi mınıstr.

Sondaı-aq E.Turǵymbaev polıtseıler densaýlyq saqtaý organdary men sanıtarlyq-epıdemıologııalyq qyzmetterge koronavırýstyń taralý oshaqtaryn oqshaýlaý, shekteý sharalaryn qamtamasyz etý baǵytynda jan-jaqty kómek kórsetýdi jalǵastyrady.

«Sonymen qatar, tek qana resmı aqparat kózderine ǵana sený mańyzdy. Kórineý jalǵan málimetterdiń avtorlary men taratýshylary anyqtalyp, jaýapkershilikke tartylatyn bolady. Engiziletin shekteýlerdiń tıimdiligi árqaısymyzdyń jeke jaýapkershiligimizge baılanysty.

Tek birlesken kúsh-jiger, shydamdylyq pen túsinistik kórsete otyryp, qyzmet atqaryp júrgen medıtsına qyzmetkerleri men polıtseılerge qoldaý kórsete alamyz. Biz bul qaterge birlese qarsy turǵanda ǵana azamattarymyzdyń qaýipsizdigin qamtamasyz etip, densaýlyqtaryn saqtap qalamyz!», - dedi vedomstvo basshysy.

Eske salaıyq, Qazaqstanda koronavırýsqa qatysty epıdemıologııalyq ahýaldyń órshýine baılanysty bıylǵy 5 shildeden bastap 14 kúnge qatań shekteý sharalary engiziledi. Karantın odan ári uzartylýy nemese kúsheıtilýi múmkin.

Osyǵan baılanysty, QR Bas memlekettik sanıtarlyq dárigerdiń qaýlysy jarııalandy.

Karantın rejımi men sanıtarlyq-epıdemıologııalyq talaptardy buzǵany úshin jeke tulǵalarǵa 83 340 teńgege deıin, al kásipkerlerge 638 940 teńgege deıin aıyppul salynady.





Bizdiń kanalymyzǵa jazylyńyz:

Bólisińiz:

Avtor:

Mıra Tólendiqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT