Qasym-Jomart Toqaevtyń Tuńǵysh Prezıdent - Elbasy týraly kitaby portýgal tilinde shyqty
2021 jylǵy 1 jeltoqsan 21:13

Qasym-Jomart Toqaevtyń Tuńǵysh Prezıdent - Elbasy týraly kitaby portýgal tilinde shyqty

LISSABON. QazAqparat – QR Prezıdenti Qasym-Jomart Toqaevtyń Elbasy Nursultan Nazarbaev týraly «Tarıh somdaǵan tulǵa» atty kitaby portýgal tilinde shyqty, dep habarlaıdy QazApqarat.

Memleket basshysy Qasym-Jomart Toqaevtyń Tuńǵysh Prezıdent – Elbasy Nursultan Nazarbaev týraly «Tarıh somdaǵan tulǵa» atty kitaby oqyrman qaýymǵa keńinen tanymal. Bul irgeli eńbekte qazirgi Qazaqstan memlekettiliginiń negizin qalaǵan kórnekti saıasatkerdiń ómir joly baıandalady.

Qasym-Jomart Kemeluly bul kitabynda táýelsiz Qazaqstan tarıhyndaǵy syndarly sátterge, atap aıtqanda, jas memlekettiń qalyptasý kezeńine, el astanasynyń kóshirilýine, saıası jáne ekonomıkalyq reformalarǵa, syrtqy saıası arenadaǵy alǵashqy qadamdarǵa erekshe mán bergen.

Elbasy ýaqyt synyna abyroımen tótep berdi. Bul kitap jaryq kórgen sátten álemge Qazaqstan saıası ádebıetiniń jarqyn kórinisin pash etti. Sonymen qatar shet memleketterde de zor qyzyǵýshylyq týǵyzdy.

Qasym-Jomart Toqaevtyń «Tarıh somdaǵan tulǵa» atty kitabynyń búgin, ıaǵnı Tuńǵysh Prezıdent kúni Lıssabonda portýgal tilinde jaryqqa shyǵýynyń sımvoldyq máni zor. Osy aıtýly oqıǵa Qazaqstan men Portýgalııany odan ári jaqyndatýǵa septigin tıgizip, sheteldik oqyrmandarǵa elimizdiń tarıhy men búgingi tynys-tirshiligin tanyta túspek.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT