Qasym-Jomart Toqaevtyń Tájikstanǵa eki kúndik jumys saparynyń vıdeosy jarııalandy
2021 jylǵy 18 qyrkúıek 15:05

Qasym-Jomart Toqaevtyń Tájikstanǵa eki kúndik jumys saparynyń vıdeosy jarııalandy

DÝShANBE. QazAqparat - Qazaqstan Prezıdenti Qasym-Jomart Toqaevtyń Tájikstan astanasy Dýshanbege eki kúndik jumys saparynyń tolyq vıdeosy jarııalandy, dep habarlaıdy QazAqparat.

Beınesholýdy Qazaqstan Prezıdent teleradıokesheni Instagram paraqshasynda bólisti.

Eske sala keteıik, Qazaqstan Prezıdenti Qasym-Jomart Toqaev Dýshanbede UQShU men ShYU-ǵa múshe memleketter basshylarynyń birlesken otyrysyna qatysty.

Qazaqstan Prezıdentiniń pikirinshe, UQShU men ShYU-ǵa múshe memleketter Aýǵanstannyń jańa bıligimen beıresmı dıalog qurýǵa bastama jasaǵany jón.

Sondaı-aq, Memleket basshysy bıyl ShYU úshin erekshe jyl ekenin jáne osydan jıyrma jyl buryn tarıhı qadam jasalǵanyn, ıaǵnı ShYU-ny qurý týraly deklaratsııa qabyldanǵanyn atap ótti.

Qazaqstan Prezıdenti HHІ ǵasyrdyń basynda negizi qalanǵan Shanhaı yntymaqtastyq uıymynyń eýrazııalyq keńistiktegi halyqtardyń qaýipsizdigi men ósip-órkendeý jolyndaǵy tıimdi yntymaqtastyqqa degen ujymdyq erik-jigerin búkil álemge tanytqanyn aıtty.



Uqsas jańalyqtar

Jańalyqtar

Úrdis

MURAǴAT