+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

Qasym-Jomart Toqaevtyń BUU-daǵy mol tájirıbesi salmaqty usynystar jasaýǵa kómektesedi - sarapshylar

2019 jylǵy 23 qyrkúıek 19:25
Bólisińiz:
Qasym-Jomart Toqaevtyń BUU-daǵy mol tájirıbesi salmaqty usynystar jasaýǵa kómektesedi - sarapshylar

NUR-SULTAN. QazAqparat - QR Prezıdenti Qasym-Jomart Toqaevtyń BUU Bas Assambleıasynyń 74-sessııasyna Memleket basshysy retinde qatysýy atalǵan halyqaralyq uıym men elimizdiń ózara is-qımylynyń mańyzdy kezeńi bolmaq.

Uqsas jańalyqtar
Qasym-Jomart Toqaev qazaqstandyqtardy Táýelsizdik kúnimen quttyqtady Táýelsizdik aldyndaǵy demografııalyq daǵdarysty eńserdik - Memleket basshysy QR Prezıdenti: Baıtaq jerimizdi mura etken babalar amanatyna adal bolý – paryzymyz

Belgili bolǵandaı, Bas Assambleıanyń jumysyna 196 delegatsııa, 100-ge jýyq memleket basshylary, BUU-ǵa múshe elderdiń 80-nen asa Úkimet jáne syrtqy saıasat vedomstvolarynyń jetekshileri qatysady. Osy mańyzdy sharanyń aıasynda 630 túrli kezdesýler ótedi dep josparlanýda. Osy oraıda Memleket basshysy Bas Assambleıanyń Jalpy pikirsaıysynda baıandama jasaıdy. Negizi, Qazaqstan Prezıdentiniń BUU BA-nyń joǵary deńgeıdegi jıynyna qatysýynan ne kútemiz? Osy jaıynda sarapshylardyń pikirin kópshilik nazaryna usynýdy jón kórdik.

QR Prezıdenti janyndaǵy Qazaqstan strategııalyq zertteýler ınstıtýtynyń dırektory Zarema Sháýkenovanyń atap ótýinshe, 2011-2013 jyldary Qasym-Jomart Kemeluly BUU Bas hatshysynyń orynbasary laýazymynda bolǵandyqtan, oǵan atalǵan bedeldi uıymnyń qyzmeti óte jaqsy tanys.

«Qazaqstannyń egemen el retinde Birikken Ulttar Uıymyna múshe bolǵan sátinen bastap bizdiń elimizdiń osy iri halyqaralyq uıymmen yntymaqtastyǵy sátti ári dáıekti túrde damyp keledi. Bul turǵyda BUU alańynda Qazaqstan birqatar mańyzdy bastamalardy kótergeni kezdeısoq emes. Bul qadamdar elimizge beıbitshilik pen qaýipsizdikti qamtamasyz etý boıynsha halyqaralyq kúsh-jigerge eleýli úles qosýǵa múmkindik berdi. Osyǵan baılanysty Azııadaǵy ózara is-qımyl jáne senim sharalary jónindegi keńesti qurý ıdeıasyn 1992 jyldyń qazanynda QR Tuńǵysh Prezıdenti - Elbasy Nursultan Nazarbaev BUU Bas Assambleıasynyń 47-sessııasynda usynǵanyn atap ótken jón. Búginde AÓSShK Azııa óńirinde qaýipsizdik pen turaqtylyqty nyǵaıtý boıynsha aldyńǵy qatarly dıalog alańyna aınaldy, oǵan 27 memleket qatysýda. BUU qyzmetinde Qazaqstan qarýsyzdaný men ıadrolyq qarýdy taratpaý rejimin kúsheıtý salasynda erekshe úlesin qosty. Elimiz halyqarylyq antııadrolyq qozǵalystyń kóshbasshysyna aınaldy. Qazaqstan óziniń úlgisinde ıadrolyq arsenaldan erikti túrde bas tartyp, memlekettiń táýelsizdigi men qaýipsizdigin nyǵaıtýǵa bolatynyn kórsetti. Osy rette 29 tamyzdy ıAdrolyq qarýdan bas tartýdyń halyqaralyq kúni dep jarııalaý týraly qarardy biraýyzdan qabyldaýy BUU-nyń tarıhı sheshimi. Ataýly dataǵa 29 tamyzdyń tańdap alynýy da beker emes. 1991 jylǵy 29 tamyzda Semeı ıadrolyq polıgony jabylýyna oraı bul qarardy Qazaqstan bastama etip kótergen edi», - dedi Z. Shaýkenova.

Qazaqstannyń 2017-2018 jyldary BUU Qaýipsizdik Keńesiniń turaqty emes músheligine saılanýy atalǵan halyqaralyq uıymmen yntymaqtastyqtyń mańyzdy kezeńi boldy.

Z. Shaýkenova 2018 jyldyń qańtarynda Elbasy BUU Qaýipsizdik Keńesi otyrysynyń tóraǵasy retinde «Qazaqstannyń uıymdaǵy Qaýipsizdik Keńesinde turaqty emes múshe bolýy jáne onda tóraǵalyq etýi álemdik qoǵamdastyqtyń senimin bildiretinin» atap ótkenin eske saldy.

Shynymen de 2 jyl merzimde Qazaqstan BUU aıasynda óz mıssııasyn abyroımen oryndaı aldy. Elimizdiń jaýapty jáne qaǵıdattyq ustanymy halyqaralyq qoǵamdastyq tarapynan joǵary baǵalandy.

Sarapshynyń aıtýynsha, 2019 jyly Qazaqstannyń Qaýipsizdik Keńesindegi jumysynyń qorytyndysyn talqylaý barysynda Ulybrıtanııa Syrtqy ister mınıstrliginiń Eýropa jáne Amerıka isteri jónindegi memlekettik mınıstri Alan Dankan Qazaqstannyń óńirlik kóshbasshylyǵyn moıyndap, álemdik saıası kartadaǵy bedeline erekshe toqtaldy.

Zarema Shaýkenovanyń oıynsha, BUU Bas Assambleıasynyń osy jolǵy sessııasynda Q. Toqaev ornyqty damý, azyq-túlik qaýipsizdigi, densaýlyq saqtaý jáne bilim berý júıesimen jappaı qamtý, qorshaǵan orta máseleleri boıynsha Qazaqstannyń kózqarasyn usynady.

Al sarapshy Ánýar Shotbaı Prezıdent Qasym-Jomart Kemeluly BUU jumysymen tyńǵylyqty tanys ekenin tilge tıek etti.

«Qasym-Jomart Toqaev Qazaqstan Prezıdenti retinde alǵash ret BUU minberinen sóz sóıleıdi. Biraq ta ol Birikken Ulttar Uıymynyń qyzmetin óte jaqsy biletin adam, ıaǵnı BUU Bas hatshysynyń orynbasary laýazymynda bolǵanyn umytpaǵan jón. Sondyqtan uıymnyń barlyq qurylymy men jumysyn egjeı-tegjeıli biledi. Memleket basshysynyń BUU-daǵy bedeli men jeke baılanystary alǵa qoıylǵan maqsattardy oryndaýǵa yqpal etedi. Osy saladaǵy mol tájirıbesi men bilimi Prezıdentke Qazaqstan Respýblıkasynyń múddesin barynsha joǵary deńgeıde qorǵaýǵa múmkindik beredi», - dedi ol.

Osy oraıda Á. Shotbaı QR Prezıdenti BUU-daǵy qyzmetinde basqarýshylyq qurylymdardy ońtaılandyrý, bıýrokratııalyq apparatty qysqartý baǵytynda tájirıbe jınaqtap, áleýmettik jelilerde belsendi bolǵanyn eske saldy.

Óz kezeginde QR Prezıdenti janyndaǵy Qazaqstan strategııalyq zertteýler ınstıtýtynyń (QSZI) halyqaralyq zertteý bóliminiń basshysy Ásel Nazarbetova BUU Qaýipsizdik Keńesindegi jumys barysynda Qazaqstan álemdik qoǵamdastyq nazaryn Ortalyq Azııa óńiri problemalaryna, Aýǵanstandaǵy ahýalǵa aýdarǵanyn, sondaı-aq álem elderimen yntymaqtastyq geografııasyn keńeıtýge qaýqarly bolǵanyn atap ótti.

Sarapshynyń paıymynsha, BUU Bas Assambleıasynyń 74 sessııasyna Memleket basshysynyń qatysýynan eleýli nátıjelerdi kútýge bolady.

«Jalpy, Qasym-Jomart Toqaevtyń mol tájirıbesi, onyń ishinde halyqaralyq qatynastar salasynda atqarǵan qyzmeti men joǵary biliktiligi kún tártibinde turǵan máselelerdi egjeı-tegjeıli talqylaýǵa, Qazaqstan atynan salmaqty usynystar jasaýǵa kómektesedi», - dedi Á. Nazarbetova.

Eske sala keteıik, Memleket basshysy Qasym-Jomart Toqaev Amerıka Qurama shtattaryna jumys saparymen bardy.

QR Prezıdenti Nıý-Iorkte ótetin Birikken ulttar uıymy Bas assambleıasynyń 74-sessııasyna qatysady. Sapar 5 kúnge jalǵasady dep josparlanyp otyr. Onyń aıasynda kóptegen shet memleketterdiń basshylarymen ekijaqty kezdesýler ótedi.

Odan bólek Qasym-Jomart Toqaevtyń BUU-nyń Bas hatshysy Antonıý Gýterrıshpen, birqatar memleket jáne Úkimet basshylarymen, halyqaralyq uıym jetekshilerimen, amerıkalyq bıznes, transulttyq kompanııa ókilderimen, AQSh-tyń saıası ári sarapshy top múshelerimen kezdesýi josparlanǵan.

Aıta keteıik, Prezıdenttiń AQSh-qa kelýi qarsańynda amerıkalyq bedeldi basylym «The Hill» gazetinde onyń maqalasy jaryq kórdi.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT