+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Qasym-Jomart Toqaevqa Qazaqstan halqynyń 74,9 protsenti senedi

2019 jylǵy 22 qazan 10:45
Bólisińiz:
Qasym-Jomart Toqaevqa Qazaqstan halqynyń 74,9 protsenti senedi

NUR-SULTAN. QazAqparat – Eýrazııalyq ıntegratsııa ınstıtýty QR Prezıdenti Qasym-Jomart Toqaevtyń qyzmetine jurtshylyqtyń kózqarasyn anyqtaý maqsatynda saýalnama júrgizdi, dep habarlaıdy QazAqparat Instıtýttyń saıtyna silteme jasap.

Saýalnama 14 oblys ortalyǵynda, Nur-Sultan, Almaty, Shymkent qalalarynda jáne aýyldarda júrgizildi. Sarapshylardyń málimdeýinshe, saýalnamaǵa 18 jastan asqan, el turǵyndarynyń ortasha áleýmettik-demografııalyq kórsetkishterine ıe azamattar qatysqan.

Saýalnama qorytyndysy boıynsha, Prezıdentti el turǵyndary tikeleı qoldap otyrǵany aıqyn ańǵarylady. Naqtyraq aıtqanda, Memleket basshysy retinde Qasym-Jomart Toqaevty turǵyndardyń 70,3%-y qoldaıdy.

Qoǵamda QR Prezıdentine sený deńgeıi de joǵary - 74,9%.

Respondentterdiń 70%-dan astamy Prezıdenttiń bastamalary halyqtyń ál-aýqatyn jaqsartýǵa, eldi damytýǵa qaýqarly dep sanaıdy.

Olardyń pikirinshe, QR Prezıdentiniń «Jerdiń sheteldikterge satylmaıtyny týraly málimdemesi», «Adamdarǵa, ásirese balalarǵa qarsy aýyr qylmystarǵa beriletin jazany kúsheıtý», «Kóp balaly jáne tabysy az otbasylarǵa jaldamaly baspana berý», «Nesıe raqymshylyǵy», «Qazaqstannyń strategııalyq áriptestermen jáne halyqaralyq uıymdarmen belsene yntymaqtastyq etýi» sekildi sharalary mańyzdy.

Saýalnamaǵa qatysýshylar Prezıdent pen Úkimettiń jalaqy, zeınetaqy mólsherin, jalpy eldiń ál-aýqatyn kóteretinine, baspanany qoljetimdi etetinine, sybaılas jemqorlyqty joıyp, medıtsınalyq qyzmet pen bilim berý sapasyn arttyratynyna úmit bildirdi.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janat Qapalbaeva
Janat Qapalbaeva
954-059
REDAKTOR
Úmbet Sholpan
Úmbet Sholpan
954-059

MURAǴAT