Qasym-Jomart Toqaev jastarǵa memleket tarapynan kórsetiletin qoldaý is-sharalaryn atady
2021 jylǵy 8 jeltoqsan 12:01

Qasym-Jomart Toqaev jastarǵa memleket tarapynan kórsetiletin qoldaý is-sharalaryn atady

NUR-SULTAN. QazAqparat - Búgin Aqordada «Táýelsizdik urpaqtary» grantyn saltanatty túrde tabystaý is-sharasynda Memleket basshysy Qasym-Jomart Toqaev jastarǵa memleket tarapynan kórsetiletin qoldaý is-sharalaryn atady, dep habarlaıdy QazAqparat tilshisi.

«Prezıdenttik jastar kadrlyq rezervi tıimdi áleýmettik lıftige aınaldy. Ol jas ári maqsatshyl kásibı mamanǵa óziniń memlekettik basqarý júıesinde múmkindigin kórsetýge taǵy bir múmkindik beredi. Partııalyq saılaý tiziminde 30 paıyzdyq kvota jastardyń Májilis pen máslıhattardaǵy ókilderin arttyrady», - dedi Qasym-Jomart Toqaev.

Prezıdent memleket tarapynan jastarǵa qandaı qoldaý kórsetiletindigin de atap ótti.

«Jastardy qoldaý úshin turǵyn úı baǵdarlamalary jáne arnaýly jobalar júzege asyrylýda. Mádenıet, ǵylym men bilim salasynda tabysqa jetken jastarǵa memlekettik syılyq berilýde. Búgingi is-shara sizderdiń bastamalaryńyzdy jáne shyǵarmashylyq josparlaryńyzdy júzege asyrýǵa tyń serpin beretindigine kámil senemin», - dep atap ótti Memleket basshysy.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT